Eks-forvard zbornaj Biełarusi pa futbole Viačasłaŭ Hleb parazvažaŭ, jak mahła b vyhladać naša nacyjanalnaja kamanda, kali b trapiła na ČS-2026, piša Football.by.
«Nie viedaju, jak zbornaja vyhladała b na čempijanacie śvietu. Napeŭna, pryhoža. Formu b novuju zrabili. Što da hulni, to zusim inšyja hadzinnyja pajasy, śpioka — usio heta toje, da čaho my nie pryvykli.
Ciapierašniaja zbornaja — heta navat nie taja, što była ŭ niadaŭnim minułym. Tak, na čempijanacie śvietu byli niaskładanyja hrupy, ale dla nas lubaja była b ciažkaj. Nu, moža, z Kiurasaa b i pazmahalisia tolki. Mahčyma, navat pieramahli b.
Našy hulcy vyhladajuć słaba ŭ pracy ź miačom, u chutkaści pryniaćcia rašeńniaŭ — tut my adstajom praktyčna ad usich. U «fizicy» nie dumaju, što my kamuści mocna sastupili b», — skazaŭ Hleb.
Zbornaja Kiurasaa na čempijanacie śvietu prajhrała Hiermanii 1:7 i Kot dJIvuaru 0:2 i zhulała ŭničyju z Ekvadoram 0:0. Nie nabrali nivodnaha bału ŭ hrupavym turniry Tunis, Haici, Irak, Iardanija, Panama i Uźbiekistan. Usiaho ŭdzieł u mundyjali brali 48 zbornych pry 211 členach FIFA.
Zbornaja Biełarusi nikoli ŭ svajoj historyi nie prabivałasia na čempijanaty śvietu ci Jeŭropy. Nastupnaja sproba budzie ŭ 2027 hodzie, kali budzie adboračny turnir da Jeŭra-2028. Losavańnie adbudziecca ŭ śniežni.
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon12
Kamientary