U kabiniecie hałoŭnakamandujučaha Uzbrojenych sił Ukrainy Valeryja Załužnaha 17 śniežnia znajšli «prasłuchoŭku», paviedamiła «RBK-Ukraina» na padstavie śviedčańnia krynicy, daśviedčanaj adnosna situacyi va ŭkrainskich vajskovych kołach.
Pavodle słoŭ krynicy, vyjaŭlenyja ŭ kabiniecie Załužnaha pryłady dla sčytvańnia infarmacyi vyrablenyja z elemientaŭ nieŭstanoŭlenaha ŭzoru, što nie dazvalaje identyfikavać taho, chto ich ustalavaŭ.
«Hetyja pryłady byli vyjaŭlenyja siońnia pry padrychtoŭcy pamiaškańnia da pracy», — dadaŭ surazmoŭca.
Dniami niamieckaje vydańnie Welt paviedamlała, što Załužny płanuje kontrnastupleńnie ŭ 2024 hodzie. A ciapier, pavodle źviestak vydańnia, ukrainskija vojski nazapašvajuć dla hetaha patrebnyja siły.
Taksama ŭ listapadzie Załužny napisaŭ artykuł i daŭ intervju zachodnim vydańniam, dzie raskazaŭ pra svaje pamyłki, ryzyki pazicyjnaj akopnaj vajny i pra toje, što nieabchodna dla pieramohi nad Rasijaj. Paśla hetaha ŭ infarmacyjnaj prastory pačali raspaŭsiudžvacca čutki pra nibyta roznahałośsi pamiž Załužnym i prezidentam Ukrainy Uładzimiram Zialenskim.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary