Śviet

Śledstva razhladaje čatyry viersii hibieli pamočnika Załužnaha

Dziaržaŭnaje biuro rasśledavańniaŭ Ukrainy nazvała asnoŭnuju.

Dziaržaŭnaje biuro rasśledavańniaŭ (DBR) razhladaje čatyry viersii hibieli pamočnika hałoŭnakamandujučaha Uzbrojenymi siłami Ukrainy Valeryja Załužnaha majora Hienadzia Čaściakova, pryjarytetnaj źjaŭlajecca — niaščasny vypadak, pra heta paviedamiła daradca pa stratehičnych kamunikacyjach DBR Taćciana Sapjan u efiry nacyjanalnaha telemarafona, piša «Ukrainskaja praŭda».

«U kryminalnaj vytvorčaści ciapier vyłučana čatyry mahčymyja viersii nazvanych padziej. Asnoŭnaja viersija — niaščasny vypadak, jaki zdaryŭsia ŭ vyniku nieaściarožnaha abychodžańnia z vybuchovym prystasavańniem», — skazała jana.

Druhaja viersija, jakuju razhladaje śledstva — naŭmysnaje zabojstva, zamach na zabojstva jaho siamiejnikaŭ, zavualavany pad nienaŭmysnaje zabojstva abo niaščasny vypadak na zamovu śpiecsłužbaŭ Rasii z metaj destabilizacyi vajenna-palityčnaj situacyi va Ukrainie.

Jašče adna viersija — naŭmysnaje zabojstva Čaściakova, ździejśnienaje na hlebie niepryjaznych adnosin (mahła być pomsta abo reŭnaść z boku kaleh pa słužbie).

Čaćviortaja viersija — ździajśnieńnie zamachu na naŭmysnaje zabojstva inšaj słužbovaj asoby z atačeńnia hałoŭnakamandujučaha USU».

***

Major USU Hienadź Čaściakoŭ zahinuŭ 6 listapada, kali śviatkavaŭ svoj dzień naradžeńnia. Jon viarnuŭsia dadomu z padarunkami ad kaleh, siarod jakich była skrynka, u jakoj siarod inšaha znachodziłasia šeść hranat zachodniaha ŭzoru. Adnu z hranat uziaŭ u ruki syn vajskoŭca. Zabirajučy ŭ dziciaci hranatu, aficer vyrvaŭ kalco, adbyŭsia vybuch. Čaściakoŭ zahinuŭ na miescy. Jaho 13-hadovy syn špitalizavany ź ciažkimi ranieńniami, a 11-hadovaja dačka atrymała niaznačnyja cialesnyja paškodžańni.

Na miescy zdareńnia pravaachoŭniki kanfiskavali jašče 5 takich hranat.

Padčas praviadzieńnia nieadkładnaha pieratrusu ŭ vajskoŭca, jaki zrabiŭ hety niebiaśpiečny padarunak, byli kanfiskavanyja dva anałahičnyja bojeprypasy.

Zaviedzienaja kryminalnaja sprava pa prykmietach złačynstvaŭ, praduhledžanych č. 1 art 115 («Naŭmysnaje zabojstva») i č. 1 art. 263 KK Ukrainy («Niezakonnaje abychodžańnie sa zbrojaj, bojeprypasami abo vybuchovymi rečyvami»). 

Kamientary

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA32

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Usie naviny →
Usie naviny

Pjany vaśmikłaśnik u Homieli ŭ handlovym centry biŭ nahami supracoŭnikaŭ milicyi12

Aŭtamabil pad Minskam sutyknuŭsia adrazu z tryma łasiami1

Ad zaŭtra znoŭ pačnie chaładać2

Kala Śbier banka ŭ Minsku adkryvajuć pomnik kačcy

Na kanfierencyi Reshape 2025 aburylisia «tysiačami kanfierencyj», abvinavacili Cichanoŭskuju ŭ dyktatury i acanili vyniki 5 hadoŭ u emihracyi28

«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»18

Žančyna złaviła na Prypiaci hihanckaha taŭstałobika. Jaho vaha — kala 60 kh3

Dziaŭčyncy z Polščy, achviaravać hrošy jakoj zaklikaŭ biełarus, sabrali patrebnuju sumu1

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA32

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić