Rasija stvaryła padstaŭnuju avijakampaniju, kab pieravozić nielehalnych mihrantaŭ u Jeŭropu praź Minsk
Niekalki tydniaŭ tamu źjaviłasia infarmacyja, što tureckaja kampanija Southwind Airlines budzie ažyćciaŭlać rejsy z Turcyi ŭ Minsk. Prytym jaje prapanova kudy bolš pryvabnaja, čym u «Biełavija». Z čym heta moža być źviazana, piša «Matolka Help».
Avijakampanija Southwind Airlines mieścicca ŭ Antalji. Jaje stvaryli nieŭzabavie paśla pačatku vajny va Ukrainie. Adnak usie jaje try samaloty i bolšaja častka supracoŭnikaŭ — z rasijskaj Nordwind Airlines, jakaja bazujecca ŭ Maskvie.
Nordwind naležyć turfirmie Pegas Touristik, uładalniki jakoj — rasiejcy z tureckimi karaniami.
Niadaŭna ŭłady Biełarusi anansavali, što z 23 śniežnia Southwind adkryvaje pramyja rejsy sa Stambuła ŭ Minsk usiaho za 195 jeŭra. Čas u palocie — na dźvie hadziny mienšy, čym u Belavia, jakaja z-za sankcyj nie moža latać praź ES.
Turkish Airlines raniej admianiła rejsy ŭ Minsk pad ciskam Jeŭropy.
Pavodle infarmacyi Bild, ułady Polščy ličać novy napramak palotaŭ Southwind krokam da arhanizacyi «novaha spłanavanaha napłyvu ŭciekačoŭ praz Rasiju i Biełaruś».
Biełaruskija žurnalisty taksama adznačali, što Southwind stvoranaja dla abychodu sankcyj suprać RF.
U Varšavie ŭpeŭnienyja, što Maskva i Minsk aktyvizujuć «hibrydnuju apieracyju» dla paharšeńnia mihracyjnaha i, jak śledstva, palityčnaha kryzisu ŭ zachodnich krainach, asabliva ŭ Niamieččynie.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary