Biełaruskaja kaŭbasa bieź miasa: kali źjavicca ŭ kramach i z čaho jaje robiać
Navinku raspracoŭvaje Instytut miasa-małočnaj pramysłovaści. Pra viehanskuju kaŭbasu «Radyjo-Minsk» raskazała zahadčyca siektara kompleksnych daśledavańniaŭ miasnych praduktaŭ instytuta Iryna Kałtovič.
Što ŭ składzie kaŭbasy bieź miasa? Asnoŭnyja inhredyjenty — morkva, cybula, bulba, kviacistaja kapusta.
— Taksama vykarystoŭvajecca muka (harochavaja, rysavaja, hračanaja), sumiesi suchoj harodniny, — pieraličyła Iryna Kałtovič. — U zaležnaści ad napramkaŭ viehietaryjanstva ŭ pradukt moža być dadadziena śmietankovaje masła ci jaječny parašok. Jość varyjanty z šampińjonami ŭ składzie. Adzin z samych važnych pryncypaŭ: naturalny skład. Usia raślinnaja syravina miascovaj vytvorčaści.
Miarkujecca, što ŭžo ŭ 2024 hodzie minčanie zmohuć kupić i pradehustavać navinku.
Pa formie kaŭbasa budzie zvykłaj. A voś pa pachu — nie.
«Viehanskaja kaŭbasa zusim nie abaviazanaja pa smaku nahadvać miasny pradukt. Palityka instytuta takaja, što my vykarystoŭvajem naturalnyja pradukty, padbirajem i raspracoŭvajem receptury z punktu hledžańnia bałansu patrebnych karysnych i pažyŭnych rečyvaŭ, a nie z punktu hledžańnia mocnaha pachu i jarkaha hustu».
Kamientary