Historyja navahodniaha cudu: biełaruska vypadkova atrymała list ad dziaŭčynki ź dziciačaha domu — taja prasiła rodnuju mamu padaryć škarpetki
Historyja, jakaja mahła b lehčy ŭ asnovu scenaryja halivudskaha navahodniaha filma, zdaryłasia ŭ Biełarusi. Dziaŭčyna, padpisanaja ŭ tyktoku jak katya.baturo, raspaviała, što praz pamyłku atrymała list ad dziciaci ŭ internacie. Nieviadomaja dziaŭčynka pisała rodnaj mamie pra toje, što joj patrebnyja dźvie pary biełych škarpetak — i prasiła dasłać ich u jakaści navahodniaha padarunka.
Dziaŭčynka zabyłasia paznačyć na kanviercie horad — chutčej za ŭsio, «Biełpošta» pasprabavała jaho dastavić, aryjentujučysia na imia i proźvišča adrasatki.
«Mama nie atrymała list, ale jaho atrymali nieabyjakavyja ludzi», — tak padpisała svajo videa ŭ tyktoku błohierka. Jana prademanstravała, što razam sa svaim chłopcam i siabroŭkaj sabrała nievialikuju pasyłku: akramia roznych škarpetak, jana pakłała tudy miły natatnik i šmat prysmakaŭ.
Za pieršyja 12 hadzin videa pad muzyku z multfilma pra mamanciania nabrała bolš za 126 tysiač prahladaŭ i 8360 łajkaŭ. Pra toje, jakoj nacyjanalnaści aŭtarka roliku, u kamientataraŭ sumnieńniaŭ nie ŭźnikła — «100% biełaruska!».
Niechta pačaŭ chvalavacca nakont taho, što ž budzie ź dziaŭčynkaj: «Vy małajčyna, ale ž jak ujaŭlu, što dziaŭčynka budzie dumać pra toje, što ŭsio heta dasłała joj mama…». Aŭtarka adkazała, što na pieršaj staroncy natatnika paznačyła, chto atrymaŭ list.
Šmat chto z kamientataraŭ adznačyŭ, što taksama b chacieŭ niešta padaryć jakomu-niebudź dziciaci ź dziciačaha domu, ale nie viedaje, jak heta zrabić. «U nas na škołu dali 700 listoŭ ad sirot dy invalidaŭ… Na žal, mała chto pryniaŭ udzieł. A tam pižamy, navušniki, niechta abutak prosić. Takoje štodzionnaje, ale im patrebnaje», — napisała adna z žančyn.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
Užas,druhoho słova podobrať nie vychodit.Biednyj riebienok prosit u mamy 2pary noskov na novyj hod,v dietdom,prosto ad kakoj to.((