Saviet Respubliki ŭchvaliŭ zakonaprajekt «Ab źmianieńni zakonaŭ pa pytańniach rekłamy», jaki praduhledžvaje karektavańnie dziejnych zakonaŭ ab rekłamie i ab abaronie pravoŭ spažyŭcoŭ, paviedamlaje BiełTA.
Pavodle słoŭ ministra antymanapolnaha rehulavańnia i handlu Alaksieja Bahdanava, zakonaprajekt praduhledžvaje try asnoŭnyja błoki źmienaŭ.
Pa-pieršaje, uvodziacca źmieny ŭ śfiery kantrolu za rekłamaj z boku dziaržavy, jon budzie ŭzmocnieny.
Tak, raźmiaščeńnie rekłamy na transparcie dapuskajecca tolki paśla jaje ŭzhadnieńnia z har(raj)vykankamam pa miescy znachodžańnia ŭładalnika transpartnaha srodku, a kali jana miedycynskaha charaktaru — to paśla jaje ŭzhadnieńnia ź Ministerstvam achovy zdaroŭja.
Pa-druhoje, uvodzicca zabarona na raźmiaščeńnie rekłamy ab pracaŭładkavańni i vučobie za miežami Biełarusi.
Vyklučeńniem budzie tolki rekłama na sajtach, jakija admysłova pravodziać dziejnaść, źviazanuju z pracaŭładkavańniem za miežami Biełarusi i akazvajuć pasłuhi pa nakiravańni na navučańnie za miežami krainy.
Pa-treciaje, raźmiaščeńnie sacyjalnaj rekłamy nie ŭzhadniajecca har(raj)vykankamami, pakolki jaje jakaść budzie aceńvacca mižviedamasnaj radaj pa rekłamie pry MARH.
Pavodle słoŭ Bahdanava, da sacyjalnaj rekłamy ciapier buduć adnosicca i mierapryjemstvy, nakiravanyja na prasoŭvańnie nacyjanalnych filmaŭ. Hetaja tema, maŭlaŭ, vielmi doŭha abmiarkoŭvałasia i pryniata rašeńnie, što takaja rekłama pavinna pryznavacca sacyjalnaj i płata spahaniacca nie budzie.
Taksama rekłamaraspaŭsiudžvalniki buduć abaviazanyja pa patrabavańni dziaržaŭnych orhanaŭ raźmiaščać sacyjalnuju rekłamu dziaržaŭnych śviataŭ, śviatočnych dzion i pamiatnych dat, a taksama sacyjalnuju rekłamu «ŭ śfiery harantavańnia dziaržaŭnaj i hramadskaj biaśpieki».
Akramia taho, dziaržaŭnym apierataram źniešniaj rekłamy daduć prava na raźmiaščeńnie srodkaŭ źniešniaj rekłamy na dziaržaŭnaj nieruchomaj majomaści biez praviadzieńnia tarhoŭ.
«Jany patrabujuć śpisy ŭsich klijentaŭ». Dyrektar polskich kursaŭ, kudy tydzień tamu pryjšli siłaviki, raskazaŭ pra składany maralny vybar
Fabryka nakrutak. Jak UKantakcie pieratvaraje runet u televizar z dapamohaj komikaŭ, trolaŭ i błohieraŭ
U Minsku pačali stavić skrynki dla zboru niepatrebnaj rekłamy
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary