2 studzienia 2024 hoda pamior viadomy biełaruski skulptar Hienadź Burałkin. Jamu było 83 hady. Pra jaho śmierć u sacsietkach paviedamiŭ Biełaruski sajuz mastakoŭ.
Naradziŭsia Hienadź Burałkin 12 lutaha 1942 hoda ŭ h. Leninahorsku (Kazachstan) u siamji ssylnaha pierasialenca ź Biełarusi. Vučyŭsia ŭ Biełaruskim teatralna-mastackim instytucie (1970—1976).
Z 1980 h. siabra Biełaruskaha sajuza mastakoŭ. Z 1990 pa 2001 h. — jaho staršynia. U 1997 hodzie atrymaŭ miedal Francyska Skaryny.
Hienadź Burałkin źjaŭlaŭsia aŭtaram mnohich manumientalnych, stankovych i hrafičnych rabot.
U suaŭtarstvie jon zajmaŭsia afarmleńniem interjeraŭ dramatyčnaha teatra i Doma hramadzianskich abradaŭ u Hrodnie (1970-ja hh.).
Razam sa skulptaram A. Finskim mastak stvaryŭ skulpturnyja kampazicyi, jakija ŭpryhožvajuć Nacyjanalny akademičny Vialiki teatr opiery i baleta Respubliki Biełaruś.
Hienadź Burałkin źjaŭlajecca aŭtaram pomnika zasnavalniku i pieršamu vialikamu kniaziu Vialikaha Kniastva Litoŭskaha Mindoŭhu. U 2009 h. u histaryčnym centry Navahrudka adbyłosia jaho adkryćcio.
Tvory Burałkina znachodziacca ŭ fondach Biełaruskaha sajuza mastakoŭ, muziejach Biełarusi i inšych krain, pryvatnych kalekcyjach.
Ab časie i miescy pachavańnia mastaka budzie paviedamlena dadatkova.
Ciapier čytajuć
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam51
Kamientary