Heta samy chałodny studzień za 25 hadoŭ.
U apošnija dni na poŭnačy Šviecyi było pa-sapraŭdnamu choładna. Tempieratura ŭ niekalkich miescach apuściłasia da -40°S, u tym liku ŭ Kvikjoku ŭ Narbotenie (samy paŭnočny rajon krainy), dzie ŭ sieradu ŭviečary było 43,6 hradusa nižej za nul, piša Ekspressen.se.
Heta samaja chałodnaja studzieńskaja tempieratura ŭ Šviecyi za apošnija 25 hadoŭ.
Chielena Adolfsan, 62 hady, vyrasła ŭ Upsale, ale ŭžo 30 hadoŭ žyvie ŭ Kvikjoku.
— My zrazumieli, što budzie choładna, kali ŭbačyli, što budzie jasna i zacišna. Ale nie dumali, što budzie nižej za 40 hradusaŭ marozu.
Jana nie vychodzić na vulicu bolš za nieabchodnaje, i addaje pieravahu karaciejšym prahułkam.
Jana rekamienduje nie dakranacca ni da čoha mietaličnaha navat u tonkich palčatkach.
Hałoŭnaje — adzieńnie, kab prapuskała pavietra, abutak na dobraj padešvie, jakaja izaluje ad ziamli, i palčatki.
— Pažadany taksama kapiušon, kab u vas było trochi pavietra vakoł tvaru.
Choład, padobna, zachavajecca ŭ Šviecyi na praciahu nastupnych niekalkich dzion.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
Kamientary