Raźjušanyja fiermiery ŭvieś viečar šturmavali parom vice-kanclera Hiermanii
Vice-kancler i ministr ekanomiki FRH Robiert Chabiek («Sajuz 90/Zialonyja») — uradženiec Lubieka. Jon lubić rodnuju staronku i časta pryjazdžaje adpačyvać na poŭnač.
Navahodnija vychadnyja jon pravioŭ na vostravie Chalih Choazie ŭ Paŭnočnym mory. Kali ŭ čaćvier uviečar palityk viartaŭsia na paromie na vialikuju ziamlu, tamaka sabralisia kala 100 raźjušanych fiermieraŭ, niezadavolenych skaračeńniem šerahu lhot, piša Bild.
Achova zabaraniła Chabieku pakidać parom, jon prapanavaŭ fiermieram nakiravać troch pradstaŭnikoŭ dla pieramovaŭ. Tyja admovilisia i pasprabavali ŭziać sudna šturmam.
Na miesca prybyli kala 30 palicyjantaŭ. Jany prymianili suprać ziemlarobaŭ piarcovyja bałončyki.
Parom ź vice-kancleram śpiešna adpłyŭ nazad na vostraŭ. Tolki nočču jon znoŭ viarnuŭsia na maciaryk, fiermieraŭ tam užo nie było.
Ciapier Chabiek u biaśpiecy doma.
Kamientary