Skandalnaja «hołaja viečarynka» bje navat pa prychilnikach vajny. Pieršy kanał rasijskaha telebačańnia vyrazaŭ vystup Filipa Kirkorava z «Kaladnaha viečara z Ryhoram Lepsam».
Śviatočny kancert pakazvali ŭ efiry telekanała 7 studzienia, ale zapisali jaho jašče 24 śniežnia, piša kanał «Ostorožno, novosti». Pieršapačatkova šou pavinien byŭ adkryć Kirkoraŭ ź pieśniaj «Lacicie, lacicie». Taksama ŭ prahramie było jaho sumiesnaje vystupleńnie ź Lusiaj Čabocinaj i Michaiłam Šufucinskim. Ale ŭsie hetyja kampazicyi nie ŭvajšli ŭ efir, anonsy vystupleńniaŭ taksama źnikli z aficyjnaha sajta telekanała.
Vyrazali taksama śpiavačku Hlukozu.
Kirkoraŭ i Hlukoza ŭ kancy śniežnia byli haściami na «hołaj viečaryncy» ŭ Naści Iŭlejevaj, jakaja vyklikała skandał i paśla jakoj rasijskija sielebryci masava vybačalisia (a repier Vacio dvojčy atrymaŭ administracyjny aryšt). Videa z vybačeńniami zapisvaŭ i Kirkoraŭ, kazaŭ, što nie choča, kab udzieł u viečaryncy paŭpłyvaŭ na jahonuju karjeru ŭ Rasii.
Nahadajem, Kirkoraŭ padtrymaŭ vajnu — śpiavak naviedvaŭ u špitali ŭ Krymie paranienych rasijskich sałdat, nazyvaŭ ich hierojami i abiacaŭ im bilety na svajo šou.
U Kirkorava byŭ anšłah na kancercie ŭ Minsku. Aburylisia navat jabaćki
Biełarusy, jakija stali zorkami ŭ Rasii: što ź imi stała za čas poŭnamaštabnaj vajny?
Sud znajšoŭ «prapahandu ŁHBT» u klipie apantanaha prychilnika vajny Mikałaja Baskava
«U nas Ejsmantu možna ŭsio?» Bondarava atakavała kiraŭnika BT za navahodni kancert
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary