Kampanii ź Biełarusi i Rasii padajuć pazovy da «Vostrava čyścini»
Niekalki kampanij padali pazovy da asnoŭnaj jurydyčnaj asoby sietki kram «Vostraŭ čyścini i smaku», pra heta śviedčyć raskład pasiadžeńniaŭ Ekanamičnaha suda Hrodzienskaj vobłaści, piša «Sputnik».
Naprykład, kampanija-arendadaŭca «Lerynbudinviest» padała pazoŭ ab zapazyčanaści pa arendnaj płacie da «Zachadchimhandla», jakaja źjaŭlajecca ŭładalnikam «Vostrava čyścini». Padadzieny pazoŭ i ad inšaha arendadaŭcy — TAA «Handlovyja rady «Mahistral».
Z «Zachadchimhandlem» taksama sudziacca «Inhman marožanaje»(vytvorca marožanaha z Homiela) i «Biełłakt-stalica»(dystrybjutar praduktaŭ charčavańnia «Biełłakt»). Niekalki pazovaŭ padadzienyja ad Biełahraprambanka.
Jość siarod tych, chto choča viarnuć daŭhi, i rasijskaje pradpryjemstva «Katon Kłab», jakoje vyrablaje srodki asabistaj hihijeny. Jano padało pazoŭ da biełaruskaha TAA «Fabryka Romaks», źviazanaha ź sietkaj «Vostraŭ čyścini i smaku». Pakul što sumy sprečak u rasijskaj bazie arbitražnych spraŭ nie paznačanyja.
Viadoma, što ŭ 2022 hodzie «Katon Kłab» užo padavaŭ pazoŭ bolš čym na 5 młn rasijskich rubloŭ (bolš za 180 tysiač biełaruskich). Heta pieradapłata pa damovie pastaŭki tavaru. Ź niejkaj pryčyny kampanija adklikała pazoŭ.
Raniej paviedamlałasia, što šmat u jakich kramach biełaruskaj sietki značna pamienšyŭsia asartymient tavaraŭ. Niekatory čas nie pracavaŭ servis anłajn-zamovy tavaraŭ. Jak tłumačyła krynica ŭ adnoj z kampanij-pastaŭščykoŭ, pryčyna prablem sietki — u daŭhach.
Pakul što havorki pra bankructva «Vostrava čyścini i smaku» nie idzie.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary