Kačanava zajaviła, što padstaŭ dla niezadavalnieńnia ŭ Biełarusi niama
Staršynia Savieta Respubliki praviała siońnia naradu z kiraŭnictvam i, kaniečnie, nie ŭtrymałasia, kab lišni raz nie pracytavać Łukašenku jak mudraha pravadyra.
«Vy viedajecie, što hety hod — Hod jakaści, tamu na naradzie, jakaja prajšła litaralna na minułym tydni, Alaksandr Ryhoravič kazaŭ (i ja chaču tranślavać heta vam): «Usio, što robicca ŭ našaj krainie, usie mierapryjemstvy, jakija pravodziacca, — usio pavinna być efiektyŭna i vynikova. Prosta tak, dla ptušački, ničoha rabić nie treba. Heta niapravilnyja padychody», — skazała jana (cytata pavodle telehram-kanała Savieta Respubliki).
Nie abyšłosia biez zhadki pra budučyja vybary.
«Elektaralnaja kampanija — heta kali ŭsio krychu abvostrana. Pa-pieršaje, ludzi čaściej źviartajucca z prapanovami. Pa-druhoje, tyja, chto nastrojeny suprać Biełarusi na źniešnim kontury, buduć sprabavać dyskredytavać uładu … Ale heta ŭ ich nie atrymajecca, bo ŭ nas niama padstaŭ u krainie, kab niechta byŭ čymści niezadavoleny», — upeŭnieny čaćvierty čałaviek u krainie.
«Usia sprava ŭ nas. Kali heta dobry doktar — to nie budzie pytańniaŭ. Kali dobry budaŭnik, jakaść i terminy budaŭnictva — nie budzie pytańniaŭ. Kali dobry pradaviec — u jaho kupiać pradukcyju», — nakidała prykładaŭ Natalla Kačanava.
Jana taksama źviarnuła ŭvahu, što biełarusy zabiaśpiečanyja praduktami.
«Siońnia my havorym ab jakaści, ab tym, jak zrabić lepš, što ŭdaskanalić, jak žyćcio našych ludziej zrabić bolš kamfortnym. Mnohija ŭ śviecie ŭsiaho hetaha pazbaŭleny zusim», — akreśliła paraleli na karyść Biełarusi eks-kiraŭnik Administracyi prezidenta.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2020
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes20
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary