Apple vypuskaje navinku dla bahatych — akulary źmiašanaj realnaści Vision Pro. Jak jany pracujuć?

Kampanija Apple zajaviła pra adkryćcio prodažaŭ harnitury źmiašanaj realnaści Vision Pro z 2 lutaha ŭ ZŠA, piša Bi-bi-si.

Pakupniki ŭ Amierycy zmohuć aformić papiaredniuju zamovu na pryładu Apple Vision Pro za 3499 dalaraŭ ź siaredziny studzienia. Data jaje vychadu na inšyja rynki pakul nie viadomaja.

Heta pieršy bujny pradukt, vypuščany kampanijaj z vychadu Apple Iwatch u 2015 hodzie.

Paśla niekalkich hadoŭ, jakija supravadžalisia čutkami ab raspracoŭcy harnitury, technałahičny hihant Apple pradstaviŭ jaje na ahlad u červieni 2023 hoda. Adnak z tych časoŭ uźnikli prablemy.

Pa źviestkach Financial Times, kampanija źniziła płany vytvorčaści ŭ hetym hodzie bolš čym u dva razy: z adnaho miljona pryład da 400 tysiač.

U Apple taksama paviedamili, što pryłada źmiašanaj realnaści budzie raźličana na 256 HB pamiaci. Raspracoŭščyki taksama ŭdakładnili, što technałohija «adsočvańnia vokam» u hetaj pryładzie moža pracavać pry dapamozie adnaho daminujučaha voka — heta tyčycca ludziej, jakija nie mohuć bačyć u roŭnaj stupieni abodvuma vačyma.

Ale što cikava, kampanija nastojvaje, što jaje pryładu nie varta paraŭnoŭvać ź inšymi praduktami na rynku. Raspracoŭščykam rekamiendavali nazyvać svaje pradukty «prastoravymi vyličeńniami».

U vypadku pośpiechu hety pradukt moža stać novaj krynicaj dachodu dla Apple. Adnak košt moža akazacca niepadjomnym dla mnohich pakupnikoŭ pa ŭsim śviecie, asabliva va ŭmovach padaražeńnia žyćcia, tak što hety hadžet, chutčej za ŭsio, budzie karystacca papularnaściu tolki siarod najbolš zabiaśpiečanych pakupnikoŭ.

U adroźnieńnie ad mnohich isnujučych harnitur, Apple nie stała raźmiaščać unutry Vision Pro akumulatar, kab hałavie nie było tak ciažka. Akumulatar padklučajecca z dapamohaj kabiela, ale jaho ŭsio roŭna pryjdziecca trymać dzieści pobač.

Nadzieŭšy harnituru, vy bačycie pakoj vakoł vas, ale nie praz škło, a praz mnostva ŭbudavanych kamier (harnitura ŭpieršyniu abstalavana 3D-kamieraj).

Heta i stvaraje efiekt «źmiašanaj realnaści» — ličbavy kantent prajecyrujecca na navakolnuju prastoru.

Fizična naciskać treba ŭsiaho adnu knopku ŭ pravaj vierchniaj častcy harnitury, i na ekranie źjaŭlajucca znajomyja ikonki dadatkaŭ, znajomych karystalnikam iPhone, uklučajučy iMessage, Photos i Apple TV.

Dalej harnitura adsočvaje vaš pozirk. Vy hladzicie na peŭny dadatak, ściskajecie vialiki i ŭkazalny palcy, i jon adkryvajecca.

Uzrovień apuskańnia možna naładzić: fizičnaje kołca dazvalaje pavialičyć abo pamienšyć pamier taho, na što vy hladzicie — patrebny vam pradmiet možna pavialičyć da pamieraŭ pakoja abo pieratvaryć u ekran, nakładzieny pa-nad ścianoj.

Adnak kali chtości fizična zojdzie ŭ pole zroku kamiery pierad vami, vy ŭbačycie hetaha čałavieka, nijakija virtualnyja abjekty jaho dla vas nie zasłoniać.

Pry ŭźniknieńni prablem padčas demanstracyi, supracoŭnik Apple nahadvaŭ, što heta jašče nie hatovy pradukt, a zabarona Apple na zdymku aznačała, što hetyja prablemy nie mohuć być zapisanyja abo apublikavanyja ŭ internecie.

@vibebelarus Apple upieršyniu abahnała Samsung pa prodažach smartfonaŭ. A ŭ vas jaki telefon #biełaruś #naviny #biełaruśsiejčas #biełaruskiciktok #našaniva #biełorusy #novostibiełarusi #minsk #minsk #epł #samsunh ♬ Campfire - Charmer & Klay

• 3
• 0
• 1
• 0
• 2
• 1
• 0
• 0