Viktar Klimaŭ, kamandzir rasijskaha pavietranaha kamandnaha punkta Ił-22M, jaki 14 studzienia byŭ padbity, mierkavana, ukrainskimi vajskoŭcami, zahinuŭ. Infarmacyju ŭ sacsietkach pra heta zaŭvažyŭ kanał «Krymski viecier».
U rasijskich pablikach pišuć, što Klimaŭ zahinuŭ u časie ataki.
Druhi piłot byŭ paranieny, ale zdoleŭ pasadzić samalot. Jaho ciapierašni stan nieviadomy.
Infarmacyja praź źbićcio dvuch kaštoŭnych rasijskich samalotaŭ źjaviłasia 14 studzienia. Samalot Ił-22M atrymaŭ paškodžańni, ale sieŭ na aeradromie ŭ Anapie. DRŁV A-50 byŭ źbity.
Hałoŭnakamandujučy ŭkrainskaj armijaj hienierał Valer Załužny paćvierdziŭ źbićcio rasijskich zvyškaštoŭnych samalotaŭ nad Azoŭskim moram.
Samalot DRŁV A-50 — unikalny, takich na ŭzbrajeńni ŭ Rasii nie bolš za dzieviać, ale nie ŭsie jany bajazdolnyja. Košt takoha samalota bolš za 300 miljonaŭ dalaraŭ. A-50 — asnoŭny dla ŭkazańniaŭ pa naniasieńni rakietnych udaraŭ pa terytoryi Ukrainy.
Mienavita pa DRŁV A-50 u lutym 2023 hoda byŭ naniesieny ŭdar dronam na biełaruskim aeradromie «Mačuliščy».
Nie mienš unikalny i samalot Ił-22M — «pavietrany abaronieny punkt kiravańnia». Pad «abaronienaściu» majecca na ŭvazie ŭstojlivaść kanałaŭ suviazi da ŭździejańnia srodkaŭ radyjoelektronnaj baraćby.
Hety samalot źjaŭlajecca pavietranym kamandnym punktam, ź jakoha možna kiravać vojskami padčas bajavych dziejańniaŭ. Pakolki hety punkt znachodzicca ŭ pavietry, to jaho niemahčyma źbić apieratyŭna-taktyčnymi rakietami.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami49
Kamientary