Pamior ukrainski akcior-komik Jaŭhien Chait, udzielnik kultavaha «Džentlmien-šou»
Akcior, jaki prasłaviŭsia ŭdziełam u kultavym adeskim «Džentlmien-šou», pražyŭ 62 hady. U jaho spyniłasia serca.
Sumnuju navinu paviedamiŭ siabar artysta, frontmien «Džentlmien-šou» Aleh Filimonaŭ u fejsbuku.
«Siońnia ranicaj (u niadzielu) pamior naš siabar, piśmieńnik-satyryk, dramaturh, paet, błohier, pradziusar, čałaviek, ź jakim my siabravali i pracavali z 1986 hoda, Ženia Chait. Spyniłasia serca, choć jon nikoli nie skardziŭsia. Pišu i nie da kanca razumieju, što adbyłosia. Žeńka — razumny, vielmi piaščotny i talenavity čałaviek. Vydatnyja vieršy, pryhožyja i hłybokija ese ŭ Instagram. Jak ža jon lubiŭ žyćcio!», — napisaŭ jon.
Jaŭhien Chait byŭ udzielnikam adnoj z najlepšych kamandaŭ KVZ 1980-ch — kamandy KVZ Adeskaha dziaržaŭnaha ŭniviersiteta — «Adeskija džentlmieny», jakaja vyjhrała turnir u 1987 hodzie.
Zatym kamanda stvaryła pieradaču «Džentlmien-šou», jakaja vychodziła na rasijskich centralnych kanałach i, vidać, była treciaj pa papularnaści paśla «Haradka» Illi Alejnikava i Juryja Stajanava i «Masak-šou».
Zatym Chait byŭ scenarystam prahramy «Hołyja i śmiešnyja».
Cyrymonija raźvitańnia adbudziecca siońnia ŭ Adeskaj kinastudyi i praciahniecca z 12 da 14 hadzin. Pachavajuć akciora na Tairaŭskich mohiłkach, piša korrespondent.net.
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary