Pamior eks-kiraŭnik kampartyi Savieckaj Estonii. U 1988-m jon nie pabajaŭsia vystupić za niezaležnaść
Vajna Vialjasu było 92 hady. Prezident Ałar Karys vykazaŭ spačuvańni siamji i siabram niabožčyka.
Vajna Vialjas (Vaino Väljas) naradziŭsia 28 sakavika 1931 hoda na vostravie Chijumaa. U 1955 hodzie skončyŭ Tartuski dziaržaŭny ŭniviersitet. Z 1949 hoda byŭ na kamsamolskaj pracy.
U 1980—1986 hadach Vialjas pracavaŭ pasłom SSSR u Vieniesuele, a ŭ 1986—1988 hadach — pasłom u Nikarahua.
U červieni 1988 hoda jon byŭ abrany pieršym sakratarom Kampartyi Estonskaj SSR. U listapadzie 1988 hoda Vajna Vialjas vystupiŭ za pryniaćcie Dekłaracyi ab suvierenitecie, jakaja abviaščała viaršenstva zakonaŭ Estonskaj SSR nad zakonami SSSR.
Dekłaracyja ab dziaržaŭnym suvierenitecie Estonii stała pieršaj na «paradzie suvierenitetaŭ» respublik SSSR. 16 listapada ciapier štohod adznačajecca ŭ Estonii jak Dzień adradžeńnia.
Praz paŭtara hoda, 8 maja 1990 hoda, Viarchoŭny Saviet Estonskaj SSR prahałasavaŭ za adnaŭleńnie dziejańnia Kanstytucyi niezaležnaj Estonii 1938 hoda.
Niezaležnaść Estonija, u adroźnieńnie ad padziej u Litvie i Łatvii, atrymała dosyć biaskroŭna.
Paśla raskołu ŭ šerahach kamunistaŭ Vialjas uznačalvaŭ praestonskaje kryło partyi z 1990 pa 1992 hod. Z 1992 pa 1995 hod byŭ staršynioj Estonskaj demakratyčnaj rabočaj partyi.
U niezaležnaj Estonii jon atrymaŭ niekalki ŭznaharod i byŭ uklučany ŭ śpis 100 najvybitnych estoncaŭ.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»25
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary