Pahladzicie fota ŭpieršyniu vyjaŭlenaha hłybakavodnaha vaśminoha i jaho čaroŭnych inšapłanietnych dziaciej
Kamanda navukoŭcaŭ, jakija pracujuć la ŭźbiarežža Kosta-Ryki, identyfikavała čatyry raniej nieviadomyja vidy hłybakavodnych vaśminohaŭ u rajonie hidratermalnych krynic na dnie akijana.
Raznastajnaść i pryhažość žyćcia na našaj płaniecie nie pierastajuć uražvać. Mižnarodnaja navukovaja hrupa z Schmidt Ocean Institute vyjaviła jak minimum čatyry novyja vidy hłybakavodnych vaśminohaŭ padčas dźviuch ekśpiedycyj u 2023 hodzie, padčas jakich navukoŭcy daśledavali padvodnyja hory la cichaakijanskaha ŭźbiarežža Kosta-Ryki.
Padčas svajoj pieršaj ekśpiedycyi ŭ červieni 2023 hoda kamanda znajšła dva «dziciačyja sadočki», źviazanyja z hidratermalnymi krynicami. Praz paŭhoda navukoŭcy viarnulisia da hetych vaśminohavych jaślaŭ i pierakanalisia, što jany, zdajecca, aktyŭnyja kruhły hod. Taksama daśledčyki nazirali niekalki inšych novych vidaŭ vaśminohaŭ udalečyni ad hidratermalnych krynic.
Adzin z novych vaśminohaŭ źjaŭlajecca pradstaŭnikom hłybakavodnaha rodu Muusoctopus. Jaho vyrašyli nazvać Dorado Octopus u honar pieršapačatkovaha miesca adkryćcia — nievialikaha ahaleńnia skały, jakaja nieaficyjna zaviecca El Dorado Hill. Astatnija try z vyjaŭlenych novych vidaŭ usio jašče apisvajucca kamandaj.
Pakul daśledčyki nazirali, jak tolki mienavita Dorado adkładvaŭ jajki ŭ hidratermalnych krynicach. Adkryćcio dadaje dokazy taho, što rod Muusoctopus evalucyjanavaŭ tak, kab adkładać jajki ŭ ciopłych krynicach na marskim dnie.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary