Futbolnaja zbornaja zhulaje tavaryski matč z adnoj z najhoršych kamand Jeŭropy
Staŭ viadomy supiernik nacyjanalnaj futbolnaj zbornaj ŭ tavaryskim matčy, jaki projdzie ŭ sakaviku.
Naša družyna zhulaje sa zbornaj Malty — sustreča adbudziecca 26 sakavika na Malcie na nacyjanalnym stadyjonie «Ta'Kali» i pačniecca a 19:00 pa miascovym časie, paviedamlaje Biełaruskaja fiederacyja futboła.
Ciapier nacyjanalnaja zbornaja Malty raźmiaščajecca na 172-j pazicyi ŭ rejtynhu FIFA. Najhoršyja pazicyi ŭ Jeŭropie tolki ŭ Hibrałtara (201-je miesca), Lichtenštejna (203-je) i San-Maryna (apošniaje 210-je miesca).
Biełaruś zajmaje ŭ hetym rejtynhu 95-y radok.
Statystyka sustreč našaj kamandy sa zbornaj Malty — 4 matčy, 3 pieramohi i adna ničyja. Apošniaja hulnia pamiž hetymi supiernikami adbyłasia ŭ 2008 hodzie i zaviaršyłasia pieramohaj zbornaj Biełarusi.
U sakaviku zbornaja Biełarusi pavinna była hulać stykavy matč za prava zastacca ŭ dyvizijonie S futbolnaj Lihi nacyj z kamandaj Litvy. Ale litoŭcy admovilisia hulać ź biełarusami, i našu zbornuju pakinuli ŭ dyvizijonie S, a Litva zhulaje matč navylet z Hibrałtaram.
8 lutaha projdzie losavańnie novaha 4-ha siezona Lihi nacyj, dzie Biełaruś daznajecca svaich supiernikaŭ. Matčy hetaha turniru projduć uvosień.
Polski futbolny kłub admoviŭsia ad zboraŭ u Turcyi, kab nie padstaŭlać biełarusaŭ
Kłop zaprasiŭ śmiarotna chvoraha Eryksana na adzin dzień uznačalić «Livierpul»
Ahidniejšy za Hitlera. Apublikavany rejtynh samych nialubych pierson u historyi futboła
U novym siezonie Lihi Nacyj Biełaruś patrapiła ŭ Lihu C biez patreby hulać za vyžyvańnie
Prezident FIFA prapanavaŭ radykalnaje rašeńnie
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary