«Kab nie zrabiŭsia rasijskaj Cichanoŭskaj». Administracyja prezidenta Rasii rekamiendavała nie dapuskać Nadzieždzina da vybaraŭ
Słovy i dziejańni Barysa Nadzieždzina parušajuć niehałosnyja damoŭlenaści.
Kandydatura Barysa Nadzieždzina pieršapačatkova była ŭzhodnienaja asabista ź pieršym namieśnikam kiraŭnika Administracyi prezidenta Siarhiejem Kiryjenkam, ale jaho apošnija dziejańni vyklikajuć sapraŭdnuju raźjušanaść u kramloŭskaha kuratara ŭnutranaj palityki, paviedamlaje telehram-kanał «Možiem objaśniť».
Słovy i dziejańni Nadzieždzina parušajuć niehałosnyja damoŭlenaści, i ciapier CVK «nastojliva rekamiendavana» nie dapuskać Nadzieždzina da vybaraŭ, paviedamili «MA» dva surazmoŭcy, blizkija da AP i kiraŭnictva Dziarždumy.
«Uładzilenyč u ach*ie (majecca na ŭvazie Kiryjenka). Damaŭlalisia mocna nie palivać łajnom Pucina i SVA (vajnu va Ukrainie), a na spravie atrymali sapraŭdny cebar łajna», — kaža adzin z surazmoŭcaŭ «MO».
Na dniach Nadzieždzin zajaviŭ: «Pieršym ukazam ja vyzvalaju ŭsich palityčnych źniavolenych… Prapanuju pieramovy Ukrainie, spyniu ŭkaz ab mabilizacyi».
«Apošniaj kroplaj stali jahonyja słovy pra Duncovu (zajaviła pra ŭdzieł u vybarach, ale jaje inicyjatyŭnuju hrupu nie zarehistravali — NN), što jana budzie jaho pradstaŭnikom na debatach. Nichto, viadoma, nie budzie dapuskać jaje z takoj antydziaržaŭnaj pazicyjaj da fiederalnaha telebačańnia», — kaža inšaja krynica «MO».
Abodva surazmoŭcy prahnazujuć, što «Nadzieždzina mocna mačyć nie buduć», kab «nie rabić jamu lišniuju rekłamu»: «Prosta cicha nie dapuściać i ŭsio». Praŭładnyja ŚMI nie krytykujuć Nadzieždzina, ale zhadvajuć jaho mimachodź, razam z kandydatami «druhoha šerahu».
U ahladnym materyjale pra vybary na Pieršym kanale ŭvaha nadadziena Pucinu, a taksama pradstaŭnikam dumskich partyjaŭ Słuckamu, Charytonavu i Davankovu, a proźvišča Nadzieždzina prosta nazyvajuć siarod astatnich kandydataŭ. Padobny materyjał jość i na sajcie TVC.
«Zanadta vialikaja ryzyka, što Nadzieždzin akažacca hetakaj «rasijskaj Cichanoŭskaj», — tłumačyć palitołah Abas Halamaŭ. — Heta ž pa sutnaści buduć nie stolki vybary prezidenta, kolki refierendum pa pytańni ab vajnie i miry: chočaš vajny — hałasuj za Pucina, chočaš miru — hałasuj za Nadzieždzina. Pucinu ŭ hetaj situacyi ničoha nie śviecić. Kreml nie moža sabie dazvolić takija ryzyki».
Tym časam siońnia stała viadoma, što Barys Nadzieždzin sabraŭ užo 150 tysiač podpisaŭ.
Fizik, bard i šmatdzietny baćka — chto taki Barys Nadzieždzin, za vyłučeńnie jakoha ŭ Rasii ludzi stajać u čerhach, kab pakinuć svoj podpis
U Rasii vystrojvajucca čerhi, kab padpisacca za kandydata Nadzieždzina
Ad Rabinoviča da Duncovaj. U CVK Rasii ŭžo pastupiła 16 zajavak ad pretendentaŭ u prezidenty
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary