U Rasii vystrojvajucca čerhi, kab padpisacca za kandydata Nadzieždzina
Telekanał «Dožd́» vystaviŭ rolik, ź jakoha vidać, jak u roznych haradach Rasii ludzi vystrojvajucca ŭ čerhi, kab padpisacca za vyłučeńnie kandydatam u prezidenty pradstaŭnika partyi «Hramadzianskaja inicyjatyva» 60-hadovaha Barysa Nadzieždzina, jaki padkreślivaje svaju antyvajennuju pazicyju.
Barys Nadzieždzin zdaŭna viadomy svaimi libieralnymi pohladami, u svoj čas byŭ adnym z paplečnikaŭ Barysa Niamcova. U 2000—2003 hadach byŭ deputatam Dziarždumy ad Sajuza pravych sił.
Prajhraŭšy čarhovyja parłamienckija vybary ŭ 2003 hodzie, jon zasiarodziŭsia na vykładčyckaj dziejnaści ŭ Maskoŭskim fizika-techničnym instytucie, ale nie pakidaŭ i palityku. Udzielničaŭ u palityčnych prajektach Michaiła Chadarkoŭskaha, Michaiła Procharava, Alaksieja Kudryna.
U 2012 hodzie staŭ davieranaj asobaj lidara «Spraviadlivaj Rasii» Siarhieja Mironava na prezidenckich vybarach, u 2021-m bałatavaŭsia ad hetaj partyi ŭ Dziarždumu, ale nie prajšoŭ. Adnak raniej, u 2019 hodzie, staŭ ad «Spraviadlivaj Rasii» deputatam adnaho z maskoŭskich municypalnych savietaŭ i navat uznačalvaŭ tam partyjnuju frakcyju, choć sam u partyju nie ŭstupaŭ.
U 2023 hodzie sprabavaŭ prabicca na vybary hubiernatara Maskoŭskaj vobłaści ad partyi «Hramadzianskaja inicyjatyva», ale nie zdoleŭ sabrać nieabchodnuju kolkaść podpisaŭ municypalnych deputataŭ. A 23 śniežnia 2023-ha vyłučany ad partyi kandydatam u prezidenty, i jahonaja inicyjatyŭnaja hrupa była zarehistravanaja.
Za paŭhoda da hetaha, 7 maja 2023 hoda, u efiry fiederalnaha telekanała «NTV» Nadzieždzin skazaŭ: «Pry ciapierašnim palityčnym režymie nam nie śviecić viarnucca ŭ Jeŭropu. Treba prosta vybrać inšaje kiraŭnictva krainy, jakoje spynić hetuju historyju z Ukrainaj».
Dla ŭdziełu ŭ vybarach u jakaści zarehistravanaha kandydata pa rasijskich zakonach treba sabrać podpisy 100 tysiač čałaviek.
Kamientary
Da jeŝie botinki śnimajtie kohda na łavku budietie vstavať))
Ps..A vot im słožnieje..biežať niekuda v otličije ot nievierojatnych)
Taksama jak bieła-błakitna-bieły ściah
Taksama jak hetaja "Duncova"
Ale nahadaju -- rasiejskaje hramadstva chvoraje, tam 80% ciemrašalnych za zabojstva ŭkraincaŭ, astatnija -- "my za mir, no nie vsio tak odnoznačno, pomožiem našim malčikam".
Usia ichniaja "apazicyja" navat nikudy nie źjazdžaje, ŭjavicie sabie! Maksimum, što im robiać, heta płašku "inahienta". Kandydaty tak zvanyja, vidavočna, feesbešnyja.
Na ŭsiu 140 miljonnuju krainu paru sotniaŭ palitzekaŭ, u nas na 8 miljonaŭ tym časam aficyjna paŭtary tysiačy, a jašče kolki nie pryznanyja (jak moj susied, jaki siadzić za abrazu łukašenki, a ŭ śpisach jaho niama), a kolkich pazvalniali z pracy, a kolki źjechała. Nacyja litaralna vyniščajecca.
Tamu usia rasiejskaja tak zvanaja "palityčnaja baraćba" -- dziciačy sadok dy cyrk na drocie, tolki adciahvaje ŭvahu ad złačynstvaŭ kdbešna-feesbešnych režymaŭ va Ŭkrainie i Biełarusi. Usie hetyja libierały ŭ biełych palito -- tyja samyja impiercy.