Śviet88

U ZŠA ŭpieršyniu prymianili novy sposab pakarańnia śmierciu

U amierykanskim štacie Ałabama asudžanaha ŭpieršyniu pakarali śmierciu pry dapamozie čystaha azotu.

Fota: Bi-bi-si

Kienet Judžyn Śmit, jakoha pryznali vinavatym u zabojstvie žančyny ŭ 1988 hodzie, sprabavaŭ asprečyć prysud, adnak usie try apielacyi byli adchilenyja, piša Bi-bi-si.

U 2022 hodzie Śmita ŭžo sprabavali pakarać śmierciu z dapamohaj śmiarotnaj injekcyi, adnak zrabić hetaha nie ŭdałosia — śpiecyjalisty, jakija pravodzili praceduru, nie zmahli trapić ihołkaj u vienu, a Śmit supraciŭlaŭsia, i zatym ordar na vykanańnie prysudu skončyŭsia (dajecca da 24 hadzin).

«Paśla sprobaŭ padmanuć sistemu, jakija tryvali bolš za 30 hadoŭ, Śmit adkazaŭ za svaje žudasnyja złačynstvy», — zajaviła hubiernatar Ałabamy Kej Ajvi.

Hienprakuror štata Styŭ Maršał zajaviŭ, što sposab pakarańnia byŭ «efiektyŭnym i humannym», adkinuŭšy abvinavačvańni ŭ žorstkim abychodžańni. «Pravasudździe pieramahło»,— zajaviŭ jon.

Ułady štata zajaŭlali, što Śmit pavinien byŭ stracić prytomnaść na praciahu niekalkich siekund i pamierci praź niekalki chvilin.

Pracedura pačałasia ŭ 19:56 pa miascovym časie, praz 29 chvilin daktary kanstatavali śmierć Śmita.

Na źniavolenaha nadzieli masku, praź jakuju ŭ arhanizm pačaŭ pastupać čysty azot — pry traplańni ŭ lohkija jon vyciaśniaje kisłarod, u vyniku čaho nastupaje hipaksija i śmierć.

«Siońnia Ałabama prymusiła čałaviectva zrabić krok nazad, — skazaŭ Śmit pierad vykanańniem prysudu. — Dziakuj, što padtrymali mianie. Lublu vas».

Śviedkami pakarańnia stali piać pradstaŭnikoŭ ŚMI. Pierad pakarańniem śmierciu Śmita naviedvali členy siamji, dvoje siabroŭ, duchoŭny nastaŭnik i advakat.

Mietad pakarańnia asudzili niekatoryja miedycynskija śpiecyjalisty — jany papiaredzili ab niebiaśpiecy katastrafičnych nastupstvaŭ dla arhanizmu asudžanaha.

Na minułym tydni Viarchoŭny kamisar AAN pa pravach čałavieka zaklikaŭ spynić vykanańnie prysudu, zajaviŭšy, što pakarańnie šlacham udychańnia azotu možna pryraŭniać da katavańniaŭ i žorstkaha abychodžańnia ŭ adpaviednaści ź mižnarodnym pravam.

Kamientary8

  • Kurt
    26.01.2024
    Jakija vynachodlivyja zaciejniki ŭ zabivańni ludziej hetyja ałabamcy.
  • *
    26.01.2024
    Ot humanisty, vašu mać. Poŭ hadziny zadychacca. Debiły
  • Nul
    26.01.2024
    *, jeho, skorieje vsieho, prosto dieržali poł časa pro zapas v užie otklučionnom (skorieje miertvom) sostojanii. A tak ja sohłasien prostaja pula v hołovu była by kuda boleje umiestna

Ciapier čytajuć

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

Usie naviny →
Usie naviny

Na Minščynie zaŭvažyli dva mahčymyja tarnada

«Ja straciła sens žyćcia». Śpiavačcy Rycie Dakota zabaranili vystupać u Rasii30

U Budsłavie archieołahi adkapali staražytny padmurak kaścioła

Były biełaruski vajar sutki katavaŭ svajho siabra, a paśla zabiŭ siabie40

Sioleta klaščy kusajuć biełarusaŭ amal na 11% čaściej, čym letaś

Stolki prablem, a tut Stryžak ź jaho padletkavymi hulniami40

Katar pryhraziŭ Jeŭropie skaračeńniem pastavak hazu3

Kolkaść paćvierdžanych rasijskich vajennych strat pieravysiła 120 tysiač čałaviek12

U centry Bresta pastavili hihancki pomnik huziku9

bolš čytanych navin
bolš łajkanych navin

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

Hałoŭnaje
Usie naviny →

Zaŭvaha:

 

 

 

 

Zakryć Paviedamić