Sachaščyk-małodšy: «Chrenin — bieschrybietny, ale vielmi zručny»
U novym vypusku «Tok» Sachaščyk-małodšy raspavioŭ, kaho z hienierałaŭ pavažajuć u armii i ci maje aŭtarytet Chrenin.
Pa słovach Alaksandra Sachaščyka, jon by adznačyŭ hienierał-majora Vadzima Dzienisienku — kamandujučaha siłami śpiecyjalnych apieracyj Uzbrojenych sił Biełarusi — i namieśnika dziaržsakratara Rady biaśpieki hienierał-majora Paŭła Muraviejku. Bolš proźviščaŭ Sachaščyk nazvać nie zmoh. «Dumaju, što na hetym usio», — padsumavaŭ mužčyna.
Nahadajem, što Vadzim Dzienisienka siabravaŭ z baćkam Alaksandra — Valeram Sachaščykam, jakoha źmianiŭ na pasadzie kamandzira Bresckaj desantnaj bryhady.
Hienierał Pavieł Muraviejka niekalki miesiacaŭ nazad zrabiŭ hučnuju zajavu ab tym, što «Biełaruś maje prava prasiačy kalidor u Litvu siłaj zbroi» ŭ adkaz na ŭviadzieńnie hetaj krainaj sankcyj.
Razvažajučy pra Viktara Chrenina, Sachaščyk adznačyŭ, što «bolš vartaha žalu ministra abarony ŭ Biełarusi jašče nie było. Jon choć i nosić pahony hienierał-lejtenanta, ale, na žal, bieschrybietny. Ale vielmi zručny. Tamu jon tam, dzie jon jość».
Kali paraŭnoŭvać aŭtarytet ministra abarony Viktara Chrenina i dziaržsakratara Rady biaśpieki Alaksanddra Valfoviča, Sachaščyk-małodšy ličyć, što dla šarahovaha vajskoŭca «jany niedzie tam naviersie ŭsie krutyja. Kali my biarom šarahovaha vajennasłužačaha ŭ niavažna jakoj vajskovaj čaści, to, kali pryjazdžaje ŭ jaje Chrenin, Valfovič ci Dzienisienka, paradak u tumbačkach navodzicca adnolkava».
Hladzicie całkam:
Kamientary