«U siamji razmaŭlajem kožny na rodnaj movie». Zasnavalnica biełaruskaj inicyjatyvy «Hodna» vyjšła za ŭkrainskaha jutubiera
«Prynieśli buržujku, kab aciaplić restaran». Kiraŭnica kampanii «Hodna» Alina Hieraščanka raskazała «Našaj Nivie» pra svajo viasielle ŭ lutaŭskim Kijevie.
Alina raskazvaje, što paznajomiłasia z budučym mužam na pracoŭnaj sustrečy ŭ listapadzie 2024‑ha hoda. Heta byŭ vizit va Ukrainu, dzie biełaruskija błohiery abmieńvalisia dośviedam z ukrainskimi kalehami.
Andrej Kapranaŭ, jaje budučy muž, byŭ na toj sustrečy ŭ składzie ŭkrainskaha boku. Jon — adzin z pradziusaraŭ jutub-kanała «imieni T.H. Šievčienka», adnaho z najbujniejšych ukrainskich kanałaŭ pra historyju, z amal miljonam padpisčykaŭ:
«Tak atrymałasia, što pra heta i byli našy pieršyja razmovy, bo my jakraz dla hetaha i sustrakalisia tady z roznymi jutubierami. Heta kanał pra historyju Ukrainy, i adna z pryčyn, navošta jon zapuskaŭsia — dla taho, kab uzmacniać ukrainskuju nacyjanalnuju identyčnaść, a «Hodna» zajmajecca biełaruskaj nacyjanalnaj identyčnaściu».
Spačatku Alina i Andrej kamunikavali pa pracy — płanavali razam prajekty, hutaryli pra movu i kulturu. A potym da ŭłady ŭ ZŠA pryjšoŭ Donald Tramp, i niekamiercyjnyja prajekty zastalisia biez amierykanskaj dapamohi. Častka prajektaŭ, kaža Alina, zakryłasia, i jany z Andrejem pačali vybudoŭvać bolš asabistyja stasunki.
Alina raskazvaje pra epizod, kali ŭpieršyniu zrazumieła, jak šmat ahulnaha ŭ jaje i Andreja:
«Adnojčy my razmaŭlali pra toje, što Rasija źniščaje movu, kulturu i identyčnaść našych narodaŭ, i što ŭ publičnaj pracy važna padśviečvać, jak Rasija heta robić. I kali bolš daviedvaješsia pra toje, jak adbyvajecca hetaje źniščeńnie, užo nie chočacca spažyvać rasijskuju kulturu.
My hutarym pra heta — i tut my ledź nie ŭ adzin hołas kažam pra toje, što pra heta važna raskazvać na rodnaj movie. My ŭ hetym vielmi supali, u hetych kaštoŭnaściach».
«Andrej vielmi kłapatlivy, my sychodzimsia ŭ kaštoŭnaściach, što vielmi važna. My razam i pracujem, i bavim čas, heta mocna zbližaje. Toje, što my va Ukrainie, taksama dadaje da hetaha zbližeńnia.
Pakolki Andrej pracuje z ukrainskaj kulturaj, a ja — ź biełaruskaj, my ich paraŭnoŭvajem. U nas jość siamiejnyja sprečki, my dzielim Astrožskaha, daviedvajemsia pra supolnyja momanty ŭ historyi, dypłamatyčnyja adnosiny BNR i UNR. Hetyja rečy zbližajuć».
10 kastryčnika 2025 hoda, na dzień naradžeńnia Aliny, Andrej prapanavaŭ joj ažanicca. Viasielle adbyłosia niekalki dzion tamu ŭ Kijevie. Nijakich prablem praz toje, što niaviesta — biełaruska, nie było — ad Aliny tolki spatrebiŭsia dziejny ŭkrainski dazvoł na žycharstva.
Šlub zarehistravali na Padole:
«My raśpisvalisia ŭ ZAHSie, u jaki ŭ kastryčniku trapiŭ šachied, to-bok tam paškodžanaja častka budynku. I viasielle my śviatkavali ŭ restaranie, dzie praz abstreły i pierapady elektryčnaści zdaryŭsia pažar, jon adbyŭsia litaralna za dva-try tydni da viasiella.
[Supracoŭniki] rabili ŭsio mahčymaje, kab u nas viasielle adbyłosia. Pracavała ŭsio na hienieratarach, prynieśli buržujku, kab aciaplić pamiaškańnie. Takoje aŭtentyčnaje ŭkrainskaje viasielle…»
Pakul Alina i Andrej nie vybiralisia ŭ viasielnaje padarožža — maŭlaŭ, šmat pracy. Ale płanujuć nahnać miadovy miesiac, kali trochi paciapleje.
Alina asobna adznačaje, što i jana, i Andrej razmaŭlajuć u siamji kožny na svajoj rodnaj movie:
«Andrej mianie pieryjadyčna vypraŭlaje, kali ja ŭžyvaju nie biełaruskija słovy, a ŭkrainskija, dbaje pra čyściniu biełaruskaj movy.
Kali my tolki raspačynali adnosiny, ja pytałasia ŭ jaho, čamu jamu cikava pracavać ź Biełaruśsiu. Adkaz byŭ dla mianie vielmi cikavy i pierakanaŭčy, ja nikoli pra heta nie dumała. Andrej skazaŭ, što ŭ nas 1084 kiłamietry supolnaj miažy i ŭkraincam važna pracavać ź Biełaruśsiu, bo jany nie chočuć, kab heta była miaža z Rasijaj. My taksama hetaha nie chočam».
«Naša Niva» — bastyjon biełaruščyny
PADTRYMAĆDyzajniery prapanujuć vychodzić zamuž u viasielnych šlopancach — takuju kalekcyju vypuścili ŭ Birkenstock
Padčas Supierboŭła na stadyjonie ŭ žyvym efiry zhulali viasielle. Uładalnik «Hremi» Bad Bunny vystupiŭ śviedkam i zarehistravaŭ šlub
Sieviaryniec pra svaju historyju kachańnia: Heta nietypova dla siońniašniaha śvietu
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
( ukrainskaja trasianka ) , što jany polski niarazumieć . Navat litara [ŭ] im ničoha nia kaža . Vyklučna redka chto ź ich spaznaje biełaruskuju. Dziaŭčynie pašancavała .