Maładuju zavadčanku z «Haryzonta» asudzili za «sadziejničańnie ekstremizmu»
Anhielina Vasiljeva paśpieła papracavać u Rasii, ale vyrašyła pierajechać u Minsk i ŭładkavałasia na zavod. U vieraśni 2025 hoda dziaŭčyna źnikła ź internetu. Vyśvietliłasia, što jaje asudzili za palityku.
Anhielina Vasiljeva naradziłasia 19 lipienia 1992 hoda ŭ Amścisłavie. U 2018—2019 hadach jana jeździła na zarobki ŭ Rasiju, pracavała ŭ Vołchavie i Sankt-Pieciarburhu, dzie była supracoŭnicaj transpartnaj kampanii.
Apošnim časam Anhielina žyła ŭ Minsku, pracavała na «Haryzoncie». U sacsietkach dziaŭčyna zhadvała ciažki hrafik: «Na zavodzie ŭ mianie 12‑hadzinny pracoŭny dzień, 6/1». Svaju pracu jana nazyvała ciažkaj, ale sumlennaj.
Dziaŭčyna cikaviłasia papularnaj psichałohijaj i čytała adpaviednyja knihi.
Anhielina źnikła z sacsietak naprykancy vieraśnia 2025 hoda. Stała viadoma, što jaje asudzili ŭ pačatku 2026 hoda ŭ Minskim haradskim sudzie. Joj inkryminavali častki 1 i 2 artykuła 361‑4 Kryminalnaha kodeksa — «Sadziejničańnie ekstremisckaj dziejnaści». Chutčej za ŭsio, pieraśled źviazany sa spravaj Hajuna.
Anhielinie prysudzili chatniuju chimiju. Dakładny termin nieviadomy.
«Naša Niva» — bastyjon biełaruščyny
PADTRYMAĆCiapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary
A voś karniki sipataha - mižnarodnyja złačyncy. I heta ich čarhovaje złačynstva suprać čałaviectva jakoje ni maje terminu daŭniny.
Kali łaska napišycie i raźmiaścicie na vašych staronkach materyjał ab Niurnbierhskich pracesach. Nie ab tym, jaki suśvietna viadomy. A ab tych što byli paśla jaho. Dzie sudzili hitleraŭskich čynoŭnikaŭ ź ministerstva justycyi, sudziej, prakuroraŭ, načalnikaŭ łahierej. Ŭ Biełarusi z karnikaŭ i zvyčajnych ludziej mała chto viedaje pra heta. U padručnikach pa historyi heta nie vyvučali. A jeść anhłamoŭnaja Vikipiedyja na hetu temu. Jeść vielmi mocny film ZŠA na hetu temu (anhł. Judgment at Nuremberg 1961) zajsnovany na realnych padziejach — «małych» Niurnbierhskich pracesach. Hety film sieńnia aktualny jak nikoli. Žadanna kab jaho pahladzieŭ kožny juryst. Asabliva sudździa, śledčy, prakuror, kat ź sistemy justycyi. Heta historyja taho što adnojčy karnikam pryjdziecca nieści adkaznaść za złačynstvy suprać čałaviectva i za nie pravasudnyja sudy. I tut "zakony karnikaŭ" nie spracujuć. Advakaty złačyncaŭ (sudzčŭ i prakuroraŭ) skolki nie spasyłalisia na toje abvinavačanyja ŭsiaho tolki "vykonvali zahad" i "pracavali pa zakonu", ale heta nie vyratavała złačyncaŭ. I kali hitleraŭski sudździa što vynosiŭ złačynnyja prysudy zakryčaŭ "Ci mahli my viedać da čaho heta ŭsie dojdzie"!
Sudzia jaki vieŭ trybunał jamu adkazaŭ: "Spadar sudździa. Vy dajšli da hetaha ŭ toj momant kali ŭ pieršy raz asudzili na pakarańnie nie vinavataha čałavieka".
***
Niurnbierhskija pracesy pa spravam złačynstvaŭ suprać čałaviečnaści (1946-1949)
***
Vielmi spadziajusia što adnojčy hetyja sudy projduć nad łukašenaŭskimi karnikami, śledčymi, prakurorami, sudździami, načalnikami i praciŭnikami karnaj sistemy.
Trymajsia dziaŭčyna, jany za ŭsio zapłaciać