«Siabry maje vierniki, pamaliciesia za stan majho baćki. Vierny syn Biełarusi Piotra Sadoŭski pamiž žyćciom i śmierciu», — napisała ŭ sacsietkach jaho dačka Alina.
87‑hadovy Piotra Sadoŭski — vybitny biełaruski movaznaviec, jaki ŭ 1990‑ia staŭ deputatam Viarchoŭnaha Savieta, a paźniej — pieršym pasłom Biełarusi ŭ Niamieččynie.
Uradženiec Połaččyny, dzicia vajny, jon straciŭ na toj vajnie tatu-partyzana, jaki pamior u jaho na vačach. Vyvučyŭšysia ŭ Suvoraŭskaj vučelni, jon paźniej z vajskovaj darohi pierajšoŭ u linhvistyku — bałazie, u Suvoraŭskaj jamu vykładaŭ vybitny pierakładčyk i aficer-frantavik Jazep Siemiažon.
Piotra Sadoŭski vyvučaŭ i vykładaŭ zamiežnyja movy, pracavaŭ u Instytucie zamiežnych moŭ, Akademiii navuk i, pierakładčykam, u roznych pradpryjemstvach Minska.
Luboŭ jaho žyćcia — heta biełaruskaja mova, a jahony asabisty raj — paŭnočnabiełaruskija havorki, jakija jaho ŭskałychali i jakija jon viedaje najlepš siarod usich va ŭsim śviecie.
Sadoŭski byŭ adnym z padpisantaŭ pieršych listoŭ u abaronu biełaruskaj movy i kultury — chadajnictvaŭ, jakija dasyłalisia jašče ŭ Maskvu. Paźniej jon byŭ adnym z zasnavalnikaŭ Narodnaha Frontu i tryumfalna pieramoh u adnoj ź minskich akruh na svabodnych vybarach 1990 hoda. Sadoŭski byŭ nastolki aŭtarytetnym čałaviekam, što ŭ parłamiencie, dzie BNF byŭ u mienšaści, byŭ abrany staršyniom kamisii pa zamiežnych spravach.
Paśla zdabyćcia Biełaruśsiu niezaležnaści jon u 1992 hodzie byŭ pryznačany pieršym u historyi pasłom našaj krainy ŭ Niamieččynie. Ambasadu tam stvaraŭ z nula.
U 2019 hodzie Sadoŭskaha, 80-hadovaha, sudzili i aštrafavali za vystup suprać intehracyi z Rasijaj, u abaronu niezaležnaści na Kastryčnickaj płoščy Minska.
Jaho časam praniźlivyja, a časam analityčnyja ŭspaminy «Moj šybalet» vyjšli ŭ 2008 hodzie. Heta adna z najcikaviejšych knih pra toje, što pieražyvaje ŭ sercy čałaviek, jaki «robić siabie sam» — pra siratu z-pad Vietryna, jaki ŭłasnym rozumam daros da vialikaj navuki i dypłamatyčnych viaršyń. Jana adnačasova pra patajemna asabistaje, jak dziacinstva ŭ paślavajennaj vioscy, siarod adnych bab, bo ŭsich mužčyn vykasiła vajna. Pračytać «Moj šybalet» možna ŭ internet-biblijatecy «Kamunikat».
Deputat ad BNF Sadoŭski: Kali my prahałasavali za niezaležnaść, to pajšli da Kiebiča i vypili harełki
Piatro Sadoŭski: Nas pieratvarajuć u cel №1, a my razvažajem pra asablivaści biełaruskaha śvietaŭsprymańnia
Mova naša. «Hety henaha pichnuŭ, heny pavaliŭsia». Tonkaści dušeŭnaha «henaha»
«U mianie nie siaredniaja adukacyja, ja kandydat navuk!» Jak sudzili pasła Piatra Sadoŭskaha
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary