Minčuk, schitravaŭšy, skraŭ u kramie 90 rubloŭ i atrymaŭ kryminałku
Jamu dali chatniuju chimiju i štraf u 60 razoŭ bolšy.
Niejak viečaram minčuk zajšoŭ u kaviarniu na vulicy Rudabielskaj i paprasiŭ abmianiać piacirublovyja kupiury (ahułam 300 rubloŭ) na hrošy bolš bujnoha naminału. Pradaviec pahadziŭsia, pierakazvajuć historyju «Minsk-Naviny».
Pieraličyŭšy banknoty, dziaŭčyna skazała, što ŭ stosie nie chapaje 10 rubloŭ. Mužčyna pačaŭ pieraličvać hrošy, a paśla demanstratyŭna dakłaŭ adsutnyja 10 rubloŭ. Pry hetym nieprykmietna vyciahnuŭ sa stosa 90 rubloŭ i schavaŭ ich u kišeniu.
Nieŭzabavie vyśvietliłasia, što ŭ kasie nie chapaje hrošaj. Dziakujučy zapisu kamiery videanazirańnia ŭdałosia va ŭsim razabracca. Uładalnik kaviarni źviarnuŭsia ŭ milicyju. Afierysta zatrymali, u dačynieńni da jaho raspačali kryminalnuju spravu. Vinu jon pryznaŭ, raskajaŭsia, pryčynienuju škodu całkam kampiensavaŭ.
Sud pryznaŭ jaho vinavatym u zavałodańni majomaściu šlacham padmanu (machlarstvie), učynienym paŭtorna, i na padstavie č. 2 art. 209 KK daŭ paŭtara hod chatniaj chimii i štraf 5 550 rubloŭ.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia27
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary