Pucin pryznaŭ, što rasijskija vojski majuć na froncie prablemy z-za bieśpiłotnikaŭ
Prezident Rasii Uładzimir Pucin na sustrečy ŭ Tule z udzielnikami forumu «Usio dla pieramohi!» paviedamiŭ, što abmiarkoŭvaŭ z kiraŭnictvam Hienštaba Uzbrojenych siłaŭ Rasii situacyju na adnym z učastkaŭ frontu va Ukrainie. Pavodle jaho słoŭ, tam uźnikli składanaści z-za prymianieńnia ŭkraincami bieśpiłotnikaŭ.
«Voś ciapier tolki z ranicy razmaŭlaŭ z Hienštabam: na adnym z učastkaŭ, viadoma, składanaść situacyi źviazanaja jakraz ź bieśpiłotnymi latalnymi aparatami», — adznačyŭ Pucin.
Na jakim mienavita kirunku i ŭčastku frontu ŭźnikła prablema z-za bieśpiłotnikaŭ, jon nie ŭdakładniŭ.
Dniami akurat vyjšaŭ prahramny artykuł hałoŭnakamandujučaha Uzbrojenymi siłami Ukrainy Valeryja Załužnaha, u jakim jon admysłova padkreśliŭ, što ŭkrainskaje vojska robić staŭku na vykarystańnie BPŁA.
Na pohlad Załužnaha, bieśpiłotnyja i inšyja najnoŭšyja technałahičnyja sistemy zdolnyja vyrašyć šerah klučavych prablem u arhanizacyi i viadzieńni bajavych dziejańniaŭ. Ź ich dapamohaj pavyšajecca stupień bieskantaktnaści i, jak śledstva, źnižajecca ŭzrovień strat i stupień roli tradycyjnych srodkaŭ paražeńnia ŭ vykanańni bajavych zadač. A sami bajavyja dziejańni adbyvajucca z abmiežavanym pryciahnieńniem ciažkaj bajavoj techniki.
Bieśpiłotniki dazvalajuć paražać jak nadvodnyja, tak i padvodnyja siły praciŭnika na ŭsiu hłybiniu teatra vajennych dziejańniaŭ na mory z vysokaj efiektyŭnaściu i minimalnymi ryzykami dla asabistaha składu. Ź ich dapamohaj možna nanosić masiravanyja raptoŭnyja ŭdary pa abjektach krytyčnaj infrastruktury i kamunikacyj praciŭnika biez vykarystańnia darahich i składanych u ekspłuatacyi rakiet i piłatujemaj avijacyi.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia32
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary