Mitrapalitu RPC z Estonii admovili ŭ praciahu DNŽ, jon viartajecca ŭ Rasiju
6 lutaha mitrapalit Talinski i ŭsiaje Estonii Jaŭhienij (śvieckaje imia Valeryj Rašetnikaŭ) maje viarnucca ŭ Rasiju ŭ suviazi sa skančeńniem terminu dziejańnia dazvołu na žycharstva ŭ Estonii. 5 lutaha jamu paviedamili, što časovy vid na žycharstva praciahnuty jamu nie budzie.
«Heta aznačaje, što termin dziejańnia dazvołu na žycharstva minaje 6 lutaha, i na praciahu dnia Valeryj Rašetnikaŭ pavinien pakinuć Estoniju. Rašetnikaŭ supracoŭničaŭ z čynoŭnikami i, nakolki viadoma, mitrapalit maje namier pakinuć Estoniju svoječasova», — paviedamlaje partał Err.ee sa spasyłkaj na estonskich mihracyjnych čynoŭnikaŭ.
18 studzienia hetaha hoda Departamient palicyi i pamiežnaj achovy Estonii nie staŭ praciahvać dazvoł na žycharstva mitrapalitu Jaŭhieniju, paličyŭšy, što jon ujaŭlaje pahrozu biaśpiecy dziaržavy. Jak śćviardžajecca, Jaŭhienij nie asudziŭ ahresiju Rasii suprać Ukrainy.
«Jak i naležyć demakratyčnaj pravavoj dziaržavie, Rašetnikavu dali mahčymaść dać svaje piarečańni, što jon i zrabiŭ. PPA praanalizavaŭ piarečańni Rašetnikava i vyrašyŭ nie praciahvać jaho dazvoł na žycharstva», — paviedamiŭ pradstaŭnik pamiežnaj słužby.
Pry hetym padkreślivajecca, što admova ŭ praciahu dazvołu na žycharstva źjaŭlajecca acenkaj pavodzin kankretnaha čałavieka, jakaja nie tyčycca ŭsioj Estonskaj pravasłaŭnaj carkvy Maskoŭskaha patryjarchatu abo viernikaŭ u Estonii.
Estonskaja pravasłaŭnaja carkva Maskoŭskaha patryjarchatu ŭ aŭtorak zajaviła, što Jaŭhienij pakinie krainu.
Kiraŭniku Estonskaj pravasłaŭnaj carkvy MP nie praciahnuli dazvoł na žycharstva
«U SSSR pačali, a tut praciahnuli». Vierniki z roznych kanfiesij Biełarusi vykazalisia nakont novaha zakona ab relihii
Baćku pres-sakratara RPC zabiŭ recydyvist, jaki z kałonii zavierbavaŭsia na vajnu va Ukrainie. Z frontu jon źbieh
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary