«Nie treba budavać žaleznuju zasłonu». Cichanoŭskaja vykazałasia adnosna namieraŭ litoŭskich uładaŭ zakryć KPP na miažy
Śviatłana Cichanoŭskaja prakamientavała dla infarmacyjnaha ahienctva BNS (Baltic News Service) płany Kamiteta pa nacyjanalnaj biaśpiecy Litvy pa zakryćci jašče dvuch punktaŭ propusku na miažy ź Biełaruśsiu. Jana ličyć hety krok niepradbačlivym i škodnym.
«My razumiejem aściarohi słužbaŭ biaśpieki Litvy, ale zakryćcio pamiežnych pierachodaŭ dla pasažyraŭ — heta lačeńnie simptomaŭ, a nie pryčyn prablemy.
Zakryćcio ŭdaryć u pieršuju čarhu pa biełarusach, jakija ŭ bolšaści suprać Łukašenki i padtrymlivajuć Ukrainu. Nie treba budavać žaleznuju zasłonu. Bo ad izalacyi biełarusaŭ vyjhrajuć tolki Łukašenka i Pucin.
Dla mnohich biełarusaŭ miaža ź Litvoj — heta adzinaja suviaź z volnym śvietam. A dla niekatorych — adzinaja mahčymaść vyratavacca ad represij», — padkreśliła demakratyčnaja lidarka.
Pry hetym jana nie admaŭlaje taho, što praź miažu razam z sumlennymi biełarusami mohuć pryjazdžać u Litvu i pamahatyja režymu, ale zmahacca ź imi prapanuje inšymi mietadami:
«Davajcie ich vyjaŭlać. Mnohija biełaruskija inicyjatyvy ŭžo samastojna heta robiać, jak u vypadku z Macijevičam, i dzielacca źviestkami ź litoŭskim bokam. Možna pierahledzieć sistemu pravierak, i my hatovyja ŭ hetym dapamahać».
«Izalavać treba Łukašenku i jahony režym, a nie biełarusaŭ. Abmiažoŭvać treba hruzapieravozki, i ŭ pieršuju čarhu patoki handlu padsankcyjnych tavaraŭ. A pasažyrskaje spałučeńnie nieabchodna zachavać», — padkreślivaje Cichanoŭskaja.
U Litvie znoŭ prapanavali zakryć jašče dva pamiežnyja punkty na miažy ź Biełaruśsiu
Ci stała składaniej prachodzić biełaruska-litoŭskuju miažu paśla taho, jak pastrožyli pravierku biełarusaŭ
«My za toje, kab da nas pryjazdžali». Kiraŭniki Druskienik i Vilenskaha rajona suprać zakryćcia novych prapusknych punktaŭ na miažy ź Biełaruśsiu
«Palitykam treba prajaŭlać adkaznaść, a biełarusy pavinny intehravacca». Cichanoŭskaja prakamientavała kiejs Macijeviča
Departamient dziaržaŭnaj biaśpieki Litvy patłumačyŭ, jakich biełarusaŭ ličyć pahrozaj dla krainy
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku22
Kamientary
paźniej łukašystaŭ i feeśbistaŭ) voś užo bolej za 35 hadoŭ idzie Śviaty
Zia - čałaviek, jaki spahaniŭ los i žyćcio miljonam biedaruskich hramadzian. Nie
tolki jon adzin, ale i jaho paplečniki ŭ hetaj temie.
tajuje biaspłatnaja parada, Śviatłana: nikoli nie stupaj na ściežku Śviatoha
Zia i tady budzieš iści ź biełarusami i biełaruskami, a nie suprać ich losu i
maraŭ žyćcia.