Departamient dziaržaŭnaj biaśpieki Litvy patłumačyŭ, jakich biełarusaŭ ličyć pahrozaj dla krainy
Departamient dziaržaŭnaj biaśpieki (DDB) Litvy admoviŭsia kamientavać, jakim čynam były major biełaruskaj milicyi Alaksandr Macijevič atrymaŭ časovy dazvoł na žycharstva ŭ Litvie, adnak papiaredziŭ, što rezkaje pavieličeńnie płyni imihrantaŭ ź Biełarusi stvaraje hetaj krainie dadatkovyja pahrozy i ryzyki, paviedamlaje LRT.
«Departamient dziaržaŭnaj biaśpieki nie kamientuje asobnyja vypadki, ale adznačaje, što nieadnarazova papiaredžvaŭ pra ryzyki i pahrozy, źviazanyja z rezkim pavieličeńniem płyni emihrantaŭ ź Biełarusi», — havorycca ŭ kamientaryi DDB.
Jak adznačaje viedamstva, nie vyklučana, što niekatoryja z tych, chto padaje danyja dziaržaŭnym ustanovam, sprabujuć schavać infarmacyju pra svaju słužbu abo pracoŭnyja adnosiny.
«Pavodle źviestak DDB, bolšaść mihrantaŭ ź Biełarusi — ekanamičnyja mihranty, i tolki častka biełarusaŭ, jakija žyvuć u Litvie, udzielničaje ŭ roznych apazicyjnych mierapryjemstvach. Heta adkryvaje pierad biełaruskimi śpiecsłužbami mahčymaści dla pašyreńnia svajoj dziejnaści i vykarystańnia łajalnych režymu asob suprać intaresaŭ Litvy», — havorycca ŭ kamientary.
Departamient paviedamiŭ, što ŭ minułym hodzie jon pravioŭ u ahulnym liku 121 577 acenak pahroz, jakija pachodziać ad inšaziemcaŭ, a ŭ dačynieńni da 1415 čałaviek padaŭ u Departamient mihracyi zaklučeńni ab tym, što ich znachodžańnie ŭ Litvie ŭjaŭlaje pahrozu biaśpiecy dziaržavy. Kala 80% hetych asobaŭ źjaŭlajucca hramadzianami Biełarusi, i bolšaść ź ich, maŭlaŭ, źviazanyja z režymam Alaksandra Łukašenki.
Suviazi z režymam vyznačajucca na farmalnaj asnovie:
«Siarod tych biełarusaŭ, pražyvańnie jakich u Litvie ŭjaŭlaje pahrozu biaśpiecy, kala 60% pracavali ŭ sistemie ŭnutranych spraŭ abo dziaržaŭnych ustanovach, kala 30% słužyli va Uzbrojenych siłach, da 10% pracavali ŭ vajskovaj pramysłovaści abo na inšych stratehičnych abjektach», — zajavili ŭ DDB.
Jak śćviardžaje Departamient, vysnovy pra pahrozu, jakuju ŭjaŭlajuć zamiežnyja hramadzianie dla biaśpieki dziaržavy, robiacca nibyta z ulikam najaŭnaj raźviedvalnaj infarmacyi i inšych danych.
Byłoha strajkamaŭca pryznali ŭ Litvie pahrozaj nacbiaśpiecy
«Kali danych nie znajšli, to, mahčyma, ich naohuł nie było». Litoŭski ministr patłumačyŭ, jak milicyjant Macijevič moh prajści praz pravieračnaje sita
«Kali takich ludziej buduć sotni i tysiačy, my sutykniemsia z surjoznaj pahrozaj». Kiejs byłoha milicyjanta Macijeviča ŭzrušyŭ litoŭskich palitykaŭ
Major milicyi, jaki ŭdzielničaŭ u represijach u 2020 hodzie, bolš za hod žyŭ i pracavaŭ u Litvie. Jaho vykryła dyjaspara
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
https://dck8xvlq18iei.cloudfront.net/335437
Niemahčyma ŭ krainie, dzie ŭsio pryvatnaje, pačynajučy ad IP i da bujnych biznesaŭ zaŭsiody dušyłasia, nie papracavać u dziaržaŭnaj ustanovie.
A karaciej letuvisy litaralna prosta bajacca biełarusaŭ, my dla ich nieviadomy źvier, bo ŭ padručnikach ab nas ža nie napisana. Kahnietyŭny dysanans u ludziej. Nu było niejkaje bydła, jakoje kunihasy parabacili, biełaja plama na mapie, a tut bac, i źjavilisia znoŭ, da jašče havorać, što Vitaŭtasa nie isnavała i Vilnius štučnaja nazva. A jašče, što nie Vicis, a Pahonia, i nie Aŭšros vartaj, a Vostraja brama. Sapraŭdy pahroza nacyjanalnaj biaśpiecy