Siońnia roŭna hod, jak ničoha nie viadoma pra Mikołu Statkieviča
Na žal, vypadak z Statkievičam nie ŭnikalny. Ničoha nie viadoma pra inšych palitviaźniaŭ. Pra Viktara Babaryku apošnija naviny tyčylisia 25 krasavika.
Siońnia roŭna hod, jak ničoha nie viadoma pra Mikołu Statkieviča. Apošnija źviestki pra asudžanaha na 14 hadoŭ eks-kandydata ŭ prezidenty na vybarach 2010 hoda byli datavanyja 9 lutaha 2023 hoda.
Bajpoł, praŭda, paviedamlaŭ, spasyłajučysia na svaje krynicy, što palityka, jaki adbyvaje pakarańnie ŭ Hłybockaj kałonii, mohuć trymać u PKT — pamiaškańni kamiernaha typu.
A jahonaja žonka Maryna Adamovič dniami adbyła 15 sutak.
Da mižnarodnaj kampanii «Pakažycie Statkieviča!» dałučyłasia Śviatłana Cichanoŭskaja.
«Ja zaklikaju ŭsich našych mižnarodnych partnioraŭ: miedyja, palitykaŭ, aktyvistaŭ — patrabujcie ad režymu pakazać Mikołu Statkieviča. Akazvajcie maksimalny cisk na režym. Nam treba danieści, što nijakaje złačynstva nie zastaniecca biespakaranym», — zajaviła Cichanoŭskaja ŭ svaim videazvarocie.
Mikołu Statkieviča zatrymali 31 maja 2020 hoda za dva miesiacy da prezidenckich vybaraŭ i praz paŭtara hoda asudzili na 14 hadoŭ kałonii.
Administracyjaj kałonii Mikoła Statkievič letaś nieadnarazova padviarhaŭsia dyscyplinarnym spahnańniam, akramia taho na jaho sabrany materyjał dla zaviadzieńnia ŭ dačynieńni da jaho kryminalnaj spravy pa art. 411 KK Biełarusi («złosnaje niepadparadkavańnie patrabavańniam administracyi»).
Padtrymajcie palitviaźnia: PK № 13, 211791, Hłybokaje, Savieckaja, 205, Mikałaju Viktaraviču Statkieviču
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ12
Kamientary