Pra palityka, asudžanaha na 14 hadoŭ, ničoha nie viadoma ź lutaha minułaha hoda.
Pavodle infarmacyi ad udzielnikaŭ Płana Pieramoha, palitviazień Mikoła Statkievič, jaki adbyvaje pakarańnie ŭ PK-13 Hłybokaha, zaraz znachodzicca ŭ PKT (pamiaškańnie kamiernaha typu), piša «Bajpoł».
Statkieviča zatrymali 31 maja 2020 hoda za dva miesiacy da prezidenckich vybaraŭ i praz paŭtara hoda asudzili na 14 hadoŭ kałonii. Pakarańnie adbyvaje ŭ kałonii ŭ Hłybokim.
Administracyjaj kałonii Mikoła Statkievič letaś nieadnarazova padviarhaŭsia dyscyplinarnym spahnańniam, akramia taho na jaho sabrany materyjał dla zaviadzieńnia ŭ dačynieńni da jaho kryminalnaj spravy pa art. 411 KK Biełarusi («złosnaje niepadparadkavańnie patrabavańniam administracyi»).
Pryznačajučy pakarańnie pa sukupnaści prysudaŭ z ulikam art. 411 KK, sudy da papiaredniaha terminu pakarańnia dadajuć, jak minimum, šeść miesiacaŭ pazbaŭleńnia voli.
Kamientary