Biełaruskija plažnyja futbalisty prajhrali ŭ paŭfinale čempijanata śvietu italjancam
Zbornaja Biełarusi pa plažnym futbole ŭ paŭfinale čempijanata śvietu sastupiła pa sieryi pienalci italjancam i ciapier u matčy za bronzavyja miedali sustreniecca ź Iranam.
Hulnia atrymałasia vielmi napružanaj, intryha ŭ joj nie spadała da apošniaj chviliny.
Paśla pieršaha tajma zbornaja Biełarusi viała 2:0, zabitymi miačami adznačylisia Ihar Bryšciel i Jaŭhien Novikaŭ.
Paśla pierapynku italjancy zraŭniali lik. Za 6 chvilin da kanca asnoŭnaha času matča Ihar Bryšciel sa štrafnoha ŭdaru znoŭ vyvieŭ Biełaruś napierad, ale ŭsiaho tolki krychu bolš čym praz chvilinu italjancy adnavili raŭnavahu.
Dadatkovy čas lik na tabło nie pamianiaŭ, i ŭsio vyrašyłasia ŭ sieryi pienalci. Italjancy byli dakładnyja ŭsie piać razoŭ, a voś čaćviorty pa čarzie ŭdar biełaruskaha futbalista byŭ niaŭdałym. Takim čynam: 3:3 ŭ asnoŭny i dadatkovy čas matča i 4:5 na karyść Italii ŭ sieryi pienalci.
U finale italjancy sustrenucca z brazilcami, a biełarusy — ź irancami.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary