Łaŭroŭ pryhraziŭ Pašynianu: Zajavy Jerevana prymušajuć Rasiju zadumacca pra svaje praktyčnyja kroki
Rasijski bok adsočvaje zajavy, jakija robić Jerevan, i budzie ŭličvać ich pry płanavańni ŭłasnych krokaŭ, zajaviŭ kiraŭnik MZS Rasii Siarhiej Łaŭroŭ na pres-kanfierencyi pa vynikach Antalskaha dypłamatyčnaha forumu, piša «Sputnik».
Ministr źviarnuŭ asablivuju ŭvahu na «biezalternatyŭnaść urehulavańnia prablem pamiž Jerevanam i Baku inakš, jak na bazie trochbakovych zajaŭ Rasii, Azierbajdžana i Armienii».
«Tyja zajavy, jakija hučać na štodzionnaj asnovie z vusnaŭ armianskaha kiraŭnictva, prymušajuć zadumacca nad tym, što ŭ realnaści adbyvajecca <…> i jak heta ŭličvać u našych praktyčnych krokach», — adznačyŭ jon, kažučy pra toje, što ŭ Jerevanie hučyć krytyka ŭ adras Maskvy.
Ciaham apošnich miesiacaŭ premjer Armienii Nikoł Pašynian nieadnarazova ŭzdymaŭ pytańnie ab metazhodnaści sumiesnych prajektaŭ (vajskovych i palityčnych) jak z Rasijaj, tak i ŭ ramkach SND i Arhanizacyi Damovy ab kalektyŭnaj biaśpiecy.
Kamientary