U emihranckaj fiłatelii biełarusaŭ adbyłosia čarhovaje vydańnie. Markavy listok, pryśviečany Kurapatam, vydany poštaj Polščy praz pasłuhu «Maja marka» (Mój znaczek), piša Radyjo Racyja.
Na poli listka pieršy słupok ź vierša Anatola Sysa «Adpuścicie mianie Kurapaty».
Marki pryśviečany trom temam.
Na pieršaj marcy fota Kurapataŭ, bieł-čyrvona-bieły kryž z napisam «Kurapaty» na kupie čałaviečych čarapoŭ i daty 1937-1941.
Tema druhoj marki — «Noč rasstralanych paetaŭ» z dataj 29-30.11.1937, praboinami ad kul i prabitym kulaj husinym piarom.
Treciaja marka pryśviečana abaronie Kurapat, jakaja pačałasia, kali ŭ 2017 hodzie pa zahadzie ŭładaŭ u Kurapatach pačali znosić kryžy i budavać biznes-centr.
Kamientary