Napiaredadni 8 sakavika na płatformie Vodblisk źjaviŭsia film režysiorki Leny Le «Čatyry koły dalej ad centra» ab mocnaj žančynie i zahadkavaj minskaj mastačcy. Stužka ŭdzielničała ŭ Biełaruskim konkursie kinafestu «Paŭnočnaje źziańnie — 2023» i stała adnoj z pieramožcaŭ hałasavańnia hledačoŭ, a ciapier dastupnaja dla prahladu lubomu achvotnamu ŭ anłajn-kinateatry Vodblisk, piša Budzma.org.
«Čatyry koły dalej ad centra» — dakumientalny partret minskaj mastački Maryny Kapiłavaj. Heta stužka pra svabodu ŭ śviecie, jaki ty dla siabie stvaraješ sam.
Čaćviora, jakija asabista viedajuć Marynu, raskazvajuć historyi, źviazanyja z žyćciom žančyny. Paralelna z hetymi apoviedami sama mastačka paŭstaje ŭ kadry, i vielmi ščyra (niby na spoviedzi) raskazvaje pra siabie i svoj śvietapohlad. Film režysiorki Leny Le daje mahčymaść z askiepkaŭ mierkavańniaŭ sabrać svajo, cełaje. Pastupova, z kožnym novym kruham, usprymańnie asoby hieraini stanovicca bolš nasyčanym i ščylnym.
Źjaŭlajučysia ŭ kadry, Maryna fiechtuje, pracuje nad svaimi skulpturami i navat vučyć chadzić pa stoli, a pamiž hetym vielmi šmat razvažaje pra roznaje: pra chałodnuju zbroju i vysakarodnaść, abaronu inšych ludziej, isnavańnie ŭ hramadstvie, kali ty niepadobny na inšych, pra kachańnie i žyćcio ŭ adnoj prastory.
U adnym z takich manałohaŭ hierainia zakranaje temu, jakaja siońnia asabliva aktualnaja: «Kaliści ja kidałasia abaraniać svaich siabrovak, chacia vielmi bajałasia tych, ad kaho ja ich abaraniaju. Maleńkija brydkija chulihany ci bujnyja chulihany, ci prosta jakija-niebudź. Ja kahości pravodziła, a potym išła dadomu adna i mnie było vielmi strašna: i pravodzić, i iści dadomu. Ja demanstravała hieraičnyja pavodziny, zusim nie budučy hierojem».
Siła hetaha filma ŭ tym, što jon nie tolki raskazvaje pra asobu Maryny, ale i dazvalaje razam z saboj prosta padumać pra žyćcio ŭ roznych jaje prajavach.
Dla hledačoŭ ź Biełarusi dostup da filma «Čatyry koły dalej ad centra» biaspłatny. Dla tych, chto znachodzicca za miažoj, dostup na 30 dzion budzie kaštavać 5$.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary