U anłajn-kinateatry Vodblisk pakažuć film jaho stvaralnicy Voli Čajkoŭskaj
Z 1 vieraśnia hledačy płatformy VODBLISK zmohuć pahladzieć u anłajn-kinateatry režysiorskuju pracu jaho zasnavalnicy Voli Čajkoŭskaj — film «Ahulnaja mova». Budzma.org raskazała, čamu heta kranalnaje kino moža stać jakraz tym, što vam zachočacca pahladzieć uviečary.
Film «Ahulnaja mova» z Volaj Čajkoŭskaj u jakaści režysiorki ŭ 2020 hodzie staŭ łahičnym praciaham prafiesijnaha šlachu ŭžo na toj momant dyrektarki kinafiestyvalu «Paŭnočnaje źziańnie» i pradziusarki sa svajoj ułasnaj kinakampanijaj Volia Films.
Pra što film?
«Ahulnaja mova» — režysiorski debiut Voli Čajkoŭskaj, jaki jana źniała na svajoj radzimie, u Viciebsku. Heta śmieły i ščyry dakumientalny film ź niekranutymi dyjałohami i niepadrychtavanymi akciorami ŭ asobie baćkoŭ samoj Voli. Jon pra toje, što tyčycca kožnaha: pra ŭzajemarazumieńnie pamiž ludźmi i pošuk šlachoŭ da jaho.
Jak źjaviłasia kino?
U 2018 hodzie Vola pastupiła ŭ mahistraturu Bałtyjskaj škoły kino i telebačańnia na režysuru i pradziusavańnie dakumientalnaha kino. Tam joj dali studenckaje zadańnie, jakoje padšturchnuła da stvareńnia filma «Ahulnaja mova». Stužki, jakuju režysiorka pieršapačatkova nie chacieła zdymać, bo, pa jaje słovach, zdymać kino pra svaich baćkoŭ — «vielmi baluča i traŭmatyčna».
«U mianie doŭha spracoŭvaŭ miechanizm paźbiahańnia zdymak, — ščyra raskazvaje Vola. — Da momantu, pakul moj mientar u kinaškole pry ŭsich na hrupavoj pracy nie skazaŭ: «Raskažy nam pra svaju siamju». Ja pačała raspaviadać i zapłakała. I jon skazaŭ: «Nu ŭsio, biary kamieru, jedź u Viciebsk i zdymaj svaich baćkoŭ».
Vola tak i zrabiła, dziakujučy čamu atrymałasia siamiejnaja sacyjalnaja drama ab tym, jak žyvuć mnohija siemji ŭ Biełarusi. Jak jany pieraadolvajuć svoj traŭmatyčny dośvied, bajučysia havaryć, chavajučysia za peŭnymi tabu i takim čynam stvarajučy jašče bolš traŭmaŭ.
Režysiorka ŭ adnym ź intervju pryznajecca, što dla jaje heta kino było sprobaj spynić traŭmy pakaleńniaŭ, razhadać ich, jak rebus, i skiravać siamiejnuju dynamiku ŭ bolš pravilnaje rečyšča.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?3
Kamientary