Stała viadoma, kolki kryminałak za «ekstremizm» zaviali z 2020 hoda ŭ Minsku
Źviestki pra kolkaść zaviedzienych palityčnych spraŭ z pačatku aktyŭnych pratestaŭ u Biełarusi pryvioŭ na sustrečy z kalektyvami Minskaha zavoda pienistych vinaŭ i zavoda «Krynica» namieśnik načalnika ŭpraŭleńnia Śledčaha kamiteta pa Minsku Andrej Hryb, pieradajuć «Minsk-Naviny».
Kolkaść zaviedzienych u Minsku za pieryjad sa žniŭnia 2020 hoda «ekstremisckich» spraŭ, pavodle danych vysokapastaŭlenaha siłavika — bolš za 7400.
Termin «ekstremizm» — eŭfiemizm, jaki vykarystoŭvajecca režymam Łukašenki dla baraćby sa svaimi palityčnymi apanientami i ŭvohule lubym inšadumstvam.
Varta ŭličvać, što ź nie mienšaj intensiŭnaściu z «ekstremizmam» siłaviki ŭvieś hety čas zmahalisia i va ŭsich biez vyklučeńnia rehijonach. A spravy vielmi časta zavodziacca nie ŭ dačynieńni adnaho čałavieka, a niekalkich ci ŭvohule cełych hrup.
U žniŭni 2022 hoda Śledčy kamitet ahučvaŭ, što z 2020-ha ŭ krainie zaviedziena 11 tysiač «ekstremisckich» spraŭ.
Ciapier čytajuć
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary
U žniŭni 2022 hoda Śledčy kamitet ahučvaŭ, što z 2020-ha ŭ krainie zaviedziena 11 tysiač «ekstremisckich» spraŭ.
Viadoma, što praz administracyjnyja sudy (sutki, štrafy) u 2020 hodzie prajšło 37 tysiač čałaviek.
Usio viedajuć, što na maršach siłaviki chapali i kidali ŭ aŭtazaki pa 1000 čałaviek. A potym palavali za ludźmi pa ŭsim horadzie, u tym liku vytaskivali z kvater.
Pytańnie: ź jakoj metaj struktury Cichanoŭskaj na mižnarodnych sustrečach z zamiežnymi palitykami i arhanizacyjami zanižajuć ličby represavanych biełarusaŭ u dziasiatki razoŭ?!!!