Maładziečanskamu kiroŭcu pahražaje da 10 hadoŭ za danat «farmiravańniu» za toj čas, kali farmiravańniaŭ jašče nie isnavała
Alaksandra Vierasoviča čakajuć doma dvoje dziaciej.
Zatrymanaha zvać Alaksandr Vierasovič. Jamu 57 hadoŭ. Alaksandr maje ŭ Maładziečnie nievialiki biznes: jak IP zajmajecca hruzapieravozkami na ŭłasnym busie. Jon haduje dvaich dziaciej: małuju dačku, jakaja zakančvaje šosty kłas, i syna, jaki ciapier musić być u starejšych kłasach.
Jahonaja imia źjaviłasia ŭ raskładzie sudoŭ, a asobu Alaksandra nam dapamahli paćvierdzić «Kibierpartyzany». Mužčynu vinavaciać u achviaravańniach na dapamohu Ukrainie i na karyść «ekstremisckaha farmiravańnia».
Admietna, što achviaravańnie ŭ padtrymku «ekstremisckaha farmiravańnia» mužčyna zrabiŭ da maja 2021 hoda, kali ŭ Biełarusi ŭvohule nie było ekstremisckich farmiravańniaŭ.
Ciapier mužčynie pahražaje ad piaci da dziesiaci hadoŭ kałonii. Sud pačniecca 19 sakavika ŭ Minskim haradskim sudzie.
«Naša Niva» — bastyjon biełaruščyny
PADTRYMAĆ
Kamientary