U Mazyry zabili dvuch piensijanieraŭ i padpalili dom ź imi. Padazravanaha zatrymali
Trahiedyja adbyłasia 4 sakavika. Pavodle śledstva, padazravany 35-hadovy mužčyna zabiŭ starych za 3000 rasijskich rubloŭ (kala 100 biełaruskich).
Cieły siamiejnaj pary ŭ Mazyrskim rajonie ŭ abharełym domie znajšła dačka piensijanierki. Śledčyja pryjšli da vysnovy, što ich śmierć nosić kryminalny charaktar, a padpał doma — tolki sproba schavać ślady zabojstva.
Pavodle śledčych, žančyna była mocna źbitaja i, jak vyśvietlili ekśpierty, na momant pažaru ŭžo była miortvaja.
U mužčyny taksama na ciele vyjaŭleny šmatlikija traŭmy, adnak papiaredniaja pryčyna jaho śmierci — atručeńnie čadnym hazam.
Padčas apieratyŭna-vyšukovych mierapryjemstvaŭ supracoŭniki milicyi pa padazreńni ŭ ździajśnieńni zabojstva zatrymali 35-hadovaha miascovaha žychara. Jon raspavioŭ śledčym, što ŭ kancy lutaha pazyčyŭ u susiedki 3000 rasiejskich rubloŭ i abiacaŭ viarnuć na praciahu troch dzion, adnak nie zmoh, bo nidzie nie pracavaŭ.
Pastajannyja napaminy piensijanierki złavali mužčynu, 4 sakavika pamiž imi adbyŭsia kanflikt, padčas jakoha padazravany schapiŭ mietaličny šuflik i źbiŭ im piensijanieraŭ.
Kali jany pierastali padavać prykmiety žyćcia, mužčyna vykraŭ usie hrošy, jakija znachodzilisia ŭ domie, a kab schavać ślady zabojstva padpaliŭ dom i pajšoŭ.
Razumiejučy, što jaho buduć šukać, žychar Mazyrskaha rajona schavaŭ svaju kurtku sa śladami kryvi, a taksama spaliŭ vykradzieny kašalok i akryvaŭlenyja palčatki.
Mužčyna raniej da kryminalnaj adkaznaści nie pryciahvaŭsia, maje na ŭtrymańni niepaŭnaletniaje dzicia.
Raspačataja kryminalnaj sprava pa č. 2 art. 139 (zabojstva dźviuch zaviedama sastarełych asob) Kryminalnaha kodeksa.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary