Pamierła narodnaja artystka Biełarusi Nina Davydzienka, nie dažyŭšy dva miesiacy da svajho 91 hodździa, paviedamlaje BiełTA.
Nina Davydzienka naradziłasia 8 traŭnia 1933 hoda ŭ Viciebsku. Baletam jana zachapiłasia jašče ŭ dziacinstvie. U 1943-m pastupiła ŭ chareahrafičnaje vučylišča ŭ Maskvie, tančyła ŭ śpiektaklach lehiendarnych Asafa Miesieriera i Kaśjana Halajzoŭskaha.
U Biełaruś artystka viarnułasia ŭ 1952 hodzie, i z tych časoŭ pryśviaciła svajo žyćcio Dziaržaŭnamu teatru opiery i baletu. Na jahonaj scenie jana vykonvała šmatlikija roli: Adeta-Adylija ŭ «Lebiadzinym voziery», Maša ŭ «Ščaŭkunku», Aŭrora ŭ «Śpiačaj pryhažuni» Piatra Čajkoŭskaha, Solviejh i Doŭrskaja Panna ŭ «Pier Hiuncie» Edvarda Hryha, Kitry ŭ «Don Kichocie» Ludviha Minkusa, Žyzel i Papiałuška ŭ baletach Adolfa Adana dy Siarhieja Prakofjeva i inš.
Davydzienka skončyła karjeru artystki ŭ 1973-m, ale i paśla taho dapamahała pracavać nad vobrazami maładym balerynam — jak piedahoh-repietytar. Zatym pierajšła ŭ muzyčny teatr, paśla čaho vykładała ŭ Biełaruskaj dziaržaŭnaj chareahrafičnaj himnazii-kaledžy.
Raźvitańnie z narodnaj artystkaj Biełarusi projdzie 18 sakavika ŭ rytualnaj zale krematoryja na Paŭnočnych mohiłkach (pasiołak Navinki).
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm18
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3434
Kamientary