U Vjetnamie adpravili ŭ adstaŭku prezidenta krainy za dyskredytacyju partyi
Vo Van Tchyonha naohuł zvolnili z usich pasad.
Centralny kamitet Kamunistyčnaj partyi Vjetnama adpraviŭ u adstaŭku prezidenta krainy Vo Van Tchyonha za parušeńni partyjnaj dyscypliny, jakija vyklikali niehatyŭnuju reakcyju hramadskaj dumki i paŭpłyvali na reputacyju partyi i ŭłady, piša Radyjo Svaboda.
Jak paviedamiła Vjetnamskaje infarmacyjnaje ahienctva, Vo Van Tchyonha zvolnili adrazu z usich pasad — prezidenta, člena Palitbiuro i kiraŭnika Rady nacyjanalnaj abarony i biaśpieki.
«Całkam uśviedamlajučy svaju adkaznaść pierad partyjaj, dziaržavaj i narodam, jon padaŭ zajavu ab zvalnieńni z zajmanych pasad», — adznačajecca ŭ paviedamleńni.
Nijakich kankretnych detalaŭ u pryčynach adstaŭki nie paviedamlajuć.
Nacyjanalny schod Vjetnama abraŭ Vo Van Tchyonha prezidentam 2 sakavika 2023 hoda paśla adstaŭki jahonaha papiarednika ŭ vyniku karupcyjnaha skandału. Vo Van Tchyonh byŭ samym maładym kiraŭnikom Vjetnama. Jamu 53 hady.
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie17
Kamientary