Siłaviki zatrymali 36-hadovaha minčuka za vykazvańni ŭ čat-ruletcy pravakatara Komara
«Dajcie mnie aŭtamat i ja b vychodziŭ na mitynhi zusim pa-inšamu», — kazaŭ minčuk.
Nabližany da siłavikoŭ telehram-kanał apublikavaŭ videa z zatrymanym 36-hadovym minčukom za vykazvańni ŭ čat-ruletcy.
Na videa pakazany dyjałoh zatrymanaha biełarusa z dalnabojščykam Juryjem Komaram u čat-ruletcy. Minčuk kaža, što nie ŭdzielničaŭ u pratestach. «Dajcie mnie aŭtamat i ja b vychodziŭ na mitynhi zusim pa-inšamu», — kazaŭ jon.
Na pytańnie navošta zatrymanamu aŭtamat, minčuk adkazaŭ, što, napeŭna, byŭ by suprać urada.
U jakim statusie znachodzicca zatrymany i ŭ čym jaho abvinavačvajuć — nieviadoma.
Juryj Komar — dalnabojščyk z Kapylskaha rajona. U čat-ruletcy jon pradstaŭlaŭsia žycharom Ukrainy, a biełarusy raspaviadali jamu pra svajo staŭleńnie ŭładam.
U studzieni 2023 hoda zatrymali jak minimum vosiem biełarusaŭ, jakija razmaŭlali z Komaram.
Pa danosie stukača z čat-ruletki zatrymany 35-hadovy haradzieniec, jaki vitaŭsia słovami «Žyvie Biełaruś» i «Słava Ukrainie»
Paśla razmovy z pravakataram u čat-ruletcy za słovy padtrymki Ukrainie zatrymali rasijanina
«Narešcie hetaha vyradka ŭziali». U čat-ruletcy źjaviŭsia jašče adzin stukač, pa čyich navodkach zatrymlivajuć ludziej
Kamientary