Minabarony Rasii choča nabrać u vojski 300 tysiač čałaviek dla nastupu na Charkaŭ
Heta moža śviedčyć ab padrychtoŭcy druhoj chvali mabilizacyi.
Minabarony Rasii płanuje masavy nabor u vojska i rychtujecca da schavanaj mabilizacyi dla akružeńnia Charkava. Akružać najbujniejšy horad na ŭschodzie Ukrainy adpraviać tych, chto ciapier baronić miežy ad abstrełaŭ USU pad Biełharadam i Kurskam. A ich źmieniać sałdaty terminovaj słužby bieź miesiaca «dembieli» i reziervisty, piša «Viorstka».
Tamu ŭ šerahi rasijskaj armii ŭ najbližejšy čas płanujuć nabrać minimum 300 tysiač čałaviek — usie jany pavinny buduć adpravicca vajavać z Ukrainaj. Pra heta raspaviali adrazu čatyry surazmoŭcy ŭ Administracyi prezidenta Rasii i rehijanalnych uradach, a taksama vysokapastaŭleny supracoŭnik Minabarony.
Pieršyja, na kim skancentrujuć uvahu vajennyja častki, heta tak zvanyja reziervisty — mužčyny, jakija znachodziacca ŭ zapasie, ale zaklučyli kantrakt ź Minabarony ab uklučeńni ŭ mabilizacyjny ludski rezierv. Jany mohuć pracavać na luboj pracy, ale dvojčy na hod abaviazanyja jeździć na vajskovyja zbory, jakija da 2022 hoda čaściakom nasili farmalny charaktar. Takich u Rasii kala dvuch miljonaŭ čałaviek.
«Niešta namiačajecca. Reziervistaŭ nabirajuć ciapier, jak pierad mabilizacyjaj. Budzie jana ci nie, ja nie viedaju, ale ŭ minuły raz paradak dziejańniaŭ byŭ taki ž», — raspavioŭ aficer adnoj z vajskovych častak u Zabajkalskim krai, jaki zajmajecca navučańniem mabilizavanych.
Pačali źviartać uvahu i na rasijanaŭ, jakija nie zaklučali kantraktaŭ ź Minabarony, a prosta znachodziacca ŭ zapasie Uzbrojenych sił.
1 sakavika Uładzimir Pucin padpisaŭ štohadovy ŭkaz ab pryzyvie hramadzian krainy, jakija znachodziacca ŭ zapasie, na vajskovyja zbory. Da ich adnosiacca i zvolnienyja sa słužby, i jakija vučylisia ŭ vajennych VNU, i jakija nie prajšli słužbu pa lubych pryčynach, i jakija prajšli alternatyŭnuju cyvilnuju słužbu, a taksama žančyny z vajskovaj śpiecyjalnaściu.
U adnym z vajenkamataŭ Leninhradskaj vobłaści takim «zapaśnikam» uklejvali mabilizacyjnyja pradpisańni ŭ vajennyja bilety, raspavioŭ adzin z surazmoŭcaŭ u vajenkamacie. A supracoŭnik adnoj sa śpiecstruktur Minabarony paćvierdziŭ, što niekatoryja vajskovyja častki ŭžo «rychtujucca da zboraŭ zapaśnikaŭ, jakich z mabilizacyjnymi pradpisańniami možna pahnać budzie, kudy zaŭhodna».
Pasprabujuć adpravić na vajnu i sałdat terminovaj słužby, u jakich nabližajecca dembiel. «Zadača — pasadzić na kantrakty tych, chto demabilizujecca da krasavika, i tych, chto demabilizavaŭsia letaś», — kaža krynica, blizkaja da Administracyi prezidenta. Ich buduć» ułomvać usimi sposabami», paćviardžaje druhi surazmoŭca z AP.
Ideja prymušać padpisvać kantrakt «nie myćciom tak katańniem», jak nazyvajuć jaje surazmoŭcy «Viorstki», źviazanaja z tym, što płyń achvotnych pajechać vajavać z Ukrainaj vyčerpvajecca. U paraŭnańni z pačatkam 2023 hoda, kali, sa słoŭ Šajhu, Minabarony atrymała blizu 400 tysiač novych sałdat, tempy naboru mocna źnizilisia. Pra heta jašče ŭ pačatku hoda raspaviadaŭ adzin z supracoŭnikaŭ adzinaha punkta pa najmie na kantrakt u Maskvie.
«Z kastryčnika [2023 hoda] rezka ŭpaŭ patok. Raniej za sutki niekalki sotniaŭ prychodziła ŭ centr, 500 — 600 mahło być. Nie ŭsie ź ich, viadoma, padpisvali [kantrakt], ale tym nie mienš. Zaraz novych prychodzić 20-30 u dzień. Aktyŭnaść źnižajecca hłabalna…»
Nie dapamahło i pavieličeńnie zarobkaŭ.
Ale, miarkujučy pa tym, što adbyvajecca ŭ haradskich vajenkamatach i kadravych słužbach biudžetnych ustanoŭ, pryzyvam reziervistaŭ i byłych terminovaj słužby sprava moža nie abmiežavacca.
«Z kanca lutaha my afarmlajem paśviedčańni ab adterminoŭcy ad mabilizacyi dla biudžetnikaŭ i dla niekatorych abaronnych pradpryjemstvaŭ», — raspavioŭ miedrabotnik z vajenkamata na paŭdniovym zachadzie Maskvy.
«Heta ŭsio novyja broni, tym, kamu ŭžo pradali sioleta, taksama robiać novyja. U nas lažać formy broniaŭ na niekalki tysiač čałaviek. Nichto nie kaža, što heta dla novaj mabilizacyi, ale navošta tady jašče heta robicca, niezrazumieła», — kaža jon. Ź siaredziny lutaha — heta značyć užo miesiac — afarmlajuć novyja broni i ŭ vajenkamacie inšaha rajona Maskvy, paćvierdziŭ supracoŭnik, jaki pracuje tam z časoŭ pieršaj mabilizacyi.
Šajhu paviedamiŭ pra hrandyjoznyja płany, jakija niemahčyma realizavać biez maštabnaj mabilizacyi
U Rasii mabilizavanaha, jaki da śmierci źbiŭ kapitana, pakul ešałon jechaŭ na vajnu, pryhavaryli da 10 hadoŭ
Rasijskaja raźviedka vyrašyła pahulacca ŭ «Nika i Majka». Apublikavanyja «sakretnyja daniasieńni» jaje ahientaŭ
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy25
Kamientary