Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam
Alaksandr Savicki z Hłuskaha rajona mieŭsia adznačać 20‑hodździe za Palarnym kruham — u adnoj z kałonij rasijskaj Łabytnanhi. Chłopiec tolki pačaŭ žyć, a ŭžo zahrymieŭ na šeść hadoŭ strohaha režymu za zakładki ŭ Rasii. Nie źmiryŭšysia ź losam, Savicki zapisaŭsia ŭ šturmavy atrad dla zekaŭ «V». Nu a dalej jak va ŭsich.
Alaksandr Savicki naradziŭsia 16 žniŭnia 2004 hoda. Va ŭniviersitetach nie vučyŭsia, pasprabavaŭ zarablać na žyćcio sam — raskidvajučy zakładki ŭ Rasii, na čym pahareŭ.
Atrymaŭ šeść hadoŭ strohaha režymu i pajechaŭ adbyvać u kałoniju №8 «Bieły miadźviedź» u horadzie Łabytnanhi. Darečy, u susiedniaj kałonii №6 «Palarny voŭk» zabili Alaksieja Navalnaha.
Kałonija znachodzicca za Palarnym kruham, nadvorje tam mocna adroźnivajecca ad hłuskaha. Alaksandr nie vytrymaŭ umovaŭ i nie źmiryŭsia z terminam, tamu apaviaściŭ svajakoŭ ab svaim žadańni vyjści z turmy praz najm u akupacyjnuju armiju i — nie pasłuchaŭšy ich adhavoraŭ — zapisaŭsia ŭ šturmavy atrad «V» vajennaj čaści 38643.
Savickaha ŭziali strałkom-pamočnikam hranatamiotčyka, što na praktycy aznačaje rolu ŭ adnarazovaj šturmavoj hrupie.
Takija hrupy farmirujucca z zapasam, tamu što da ŭkrainskich pazicyj — praź miny i drony — dajazdžaje (kali dajazdžaje) mienšaść z adpraŭlenych. Tych, chto dabraŭsia, dabivajuć z kulamiotaŭ, jakija kirujucca dystancyjna z-pad ziamli.
Voś i Alaksandr pierastaŭ vychodzić na suviaź paśla adpraŭki na šturm u składzie takoj hrupy ŭ žniŭni.
Ciapier infarmacyju ab miescaznachodžańni cieła sprabujuć znajści svajaki, jakich chłopiec nie pasłuchaŭ. Viadoma tolki, što Alaksandr źnik niedzie pad miastečkam Harniak u Pakroŭskim rajonie Danieckaj vobłaści.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary18
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary