U Mazyry žyllo, jakoje płanavałasia dla lhotnikaŭ, zrabili arendnym
Žychary Mazyra apublikavali videazvarot, u jakim zajavili, što 47 siemjaŭ pazbavilisia kvater u novabudoŭli «z-za chałatnaści». Pavodle ich słoŭ, za dva tydni da zdačy doma status žylla niečakana źmianili.
Kali raniej kvatery pryznačalisia dla tych, chto maje patrebu ŭ palapšeńni žyllovych umoŭ i stajaŭ u adpaviednaj čarzie, to ciapier novaje žyllo zrabili arendnym, piša «Fłahštok».
Zvarot pačynajecca z taho, što ludzi choram kryčać: «Pavažany Alaksandr Ryhoravič, dapamažycie nam!» A dalej — taksama choram: «U horadzie Mazyry adbyłosia nadzvyčajnaje zdareńnie!»
Aŭtary zvarotu zajavili, što ŭ «Hod biełaruskaj žančyny» šmatdzietnyja siemji zastalisia biez žylla: «z-za chałatnaści ŭładaŭ, rajvykankama ŭ ich zabrali kvatery».
15 vieraśnia dyrektar UKB paviedamiŭ ludziam, što kvatery, jakija płanavalisia dla lhotnikaŭ, pieravodziacca ŭ status arendnych: «Lhotnyja katehoryi hramadzian byli vykinutyja za bort».
Temu taksama abmiarkoŭvajuć u sacyjalnych sietkach. Karystalniki paćvierdzili, što pieršapačatkova dom budavaŭsia jak dolevaje žyllo, a zatym jaho abviaścili arendnym:
«Sutyknułasia z prosta aburalnym vypadkam! Hod čakali zdačy doma, užo viedali numar kvatery i pavinny byli afarmlać dakumienty. Ale na schodzie ciapier skazali, što dom pa dziaržzakazie budzie pieradadzieny dla arendnaha karystańnia».
U kamientarach dadali:
«Siemji prosta zastalisia za bortam. Chtości pradaŭ mašynu, kvateru, chtości ŭžo pavinien byŭ praz dva tydni źjechać sa zdymnaha žylla. Na ŭsie pytańni, što ludziam rabić, dyrektar UKB adkazvaŭ: «Nie viedaju»».
U kamientarach taksama ŭdakładnili, što havorka idzie pra dom pa adrasie vulica Naftabudaŭnikoŭ, 40, u mikrarajonie, jaki ciapier aktyŭna zabudoŭvajecca.
Ciapier čytajuć
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram20
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
łuka dał komandu, dla svoich "słabovikov" s pravom vykupa po kakom-to vriemieni. Obkładyvajetsia su..a.