Vypusknikam profilnych kłasaŭ dazvolili pastupać na adpaviednyja śpiecyjalnaści biez ekzamienaŭ
Mahčymaść vypusknikam profilnych kłasaŭ pastupać biez ekzamienaŭ na adpaviednyja śpiecyjalnaści ŭ VNU daje pastanova Savieta Ministraŭ № 197 ad 21 sakavika.
Naprykład, vypuskniki profilnych vajskova-patryjatyčnych kłasaŭ zmohuć pastupać biez ekzamienaŭ u VNU na vajskovyja śpiecyjalnaści. Havorka idzie pra Vajskovuju akademiju, vajskovyja fakultety BDU (na śpiecyjalnaści «Radyjacyjnaja, chimičnaja i bijałahičnaja abarona», «Hieainfarmacyjnyja sistemy») i BDUIR («Sistemy i sietki infakamunikacyj», «Radyjosistemy i radyjotechnałohii»), vajskova-techničny fakultet BNTU («Ekanomika i kiravańnie», «Ekspłuatacyja naziemnych transpartnych i technałahičnych mašyn i kompleksaŭ») i inš.
Vypusknikoŭ profilnych kłasaŭ piedahahičnaj nakiravanaści prymuć biez ekzamienaŭ u piedahahičnyja VNU, inžyniernaj nakiravanaści — u techničnyja VNU na inžyniernyja śpiecyjalnaści. Pa toj ža anałohii na adpaviednyja śpiecyjalnaści biez ekzamienaŭ zmohuć pastupać vypuskniki profilnych kłasaŭ ahrarnaj i spartyŭna-piedahahičnaj nakiravanaści.
Kamientary