U minskim Kupałaŭskim narešcie premjera pa biełaruskamoŭnym tvory — pieršaja z časoŭ Łatuški
U staličnym Kupałaŭskim pastavili pjesu pavodle kamiedyi Uładzisłava Hałubka «Pisaravy imianiny». Raniej jana ŭžo hučała sa sceny — u 1921 hodzie ŭ pastanoŭcy režysiora Fłaryjana Ždanoviča, adnaho z zasnavalnikaŭ biełaruskaha prafiesijnaha teatra.
Da hetaha ŭ teatry ci adnaŭlalisia staryja śpiektakli, ale z novym składam akcioraŭ, ci stavilisia pastanoŭki pavodle tvoraŭ zamiežnych aŭtaraŭ — apovieść Barysa Vasiljeva «A zory tut cichija», pjesa Alaksandra Astroŭskaha «Haračaje serca» i viečnaja šekśpiraŭskaja kłasika «Ramea i Džuljeta».
Vyklučeńnie tut chiba što kazka «Historyja šakaładnaha dreva», jakuju pastavili ŭ śniežni 2021 hoda pa tvory mazyranina, kiraŭnika narodnaha moładzievaha teatra «Lehijon» Alaksandra Maźkova. Ale ŭ aryhinale jaho historyja pra dvuch elfaŭ napisanaja na ruskaj movie.
Premjeru rychtavali kala dvuch miesiacaŭ. Uziacca mienavita za muzyčnuju kamiedyju zachacieła mastackaja kiraŭnica Volha Niafiodava. U vyniku spynilisia na materyjale, jaki raniej užo išoŭ na scenie teatra.
Zamiest Ždanoviča ŭ siońniašnich realijach — režysior Pavieł Marynič. Raniej jon užo zrabiŭ dla Kupałaŭskaha «Kazku ab miortvaj careŭnie» pa matyvach tvoraŭ Puškina. Marynič skončyŭ BDUKM pa śpiecylnaści «Narodnaja teatralnaja tvorčaść», a taksama Mahiloŭskuju vučelniu kultury pa śpiecyjalnaści «Akciorskaje majsterstva». Aktyŭna pracavaŭ u Paleskim dramatyčnym teatry.
Kamientujučy składanaść pracy z tvoram, Marynič adznačyŭ, što było nialohka pahruzicca ŭ havorku piersanažaŭ Hałubka: «Viadoma, my nie pryzvyčailisia havaryć na takoj movie. Kali čytali, uźnikali składanaści z razumieńniem taho, pra što havorycca ŭ pjesie, ale my ŭsio rasšyfravali. U nas byŭ piedahoh. Dumaju, hety moŭny ekzamien my hodna vytrymali».
Ale moŭnyja składanaści mahli być źviazanyja nie tolki z tym, što kamiedyja pisałasia ŭ minułym stahodździ i z taho času leksika źmianiłasia, a z tym, što niemałaja častka akcioraŭ u śpiektakli — rasijanie. Barys Ciaciorkin z Tuły ŭ roli Pisara. Ilja Hałuškin z Saratava ŭ roli Dziaka, Śviatłana Husarava ŭ roli Žonki dy inšyja.
Čytajcie taksama:
«Składana tolki sa słovami, jakija padobnyja da ruskich, i sačyć za Č i H». Što za rasijanie pracujuć ciapier u Kupałaŭskim?
U Teatry imia Janki Kupały ź biełaruskaha repiertuaru zastałasia adna «Paŭlinka». Bolšaść śpiektaklaŭ u vieraśni projdzie na ruskaj movie
«Pakinuć paśla siabie nie tolki horku śmiećcia i vuhlakisłaha hazu». Aktrysa Kryścina Drobyš raskazała pra viarboŭku ŭ eskort Łukašenki i mizernyja zarobki ŭ Kupałaŭskim
Łatuška pra štrejkbrechieraŭ z Maskvy ŭ Kupałaŭskim: Ihrać pa-biełarusku — heta nie tolki mova, heta niabačnaja suviaź z narodam
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ55
Kamientary