Mabilnyja apieratary z 1 krasavika padymuć ceny i padkarektujuć pasłuhi
Mabilnyja apieratary, jakija pracujuć u Biełarusi, padymuć ceny na svaje pasłuhi z 1 krasavika. Pra heta havorycca ŭ paviedamleńniach na sajtach usich troch biełaruskich apierataraŭ — A1, MTS i Life:).
A1
Apieratar A1 paviedamlaje: z 1 krasavika padymajucca košty na pasłuhi. Praŭda, zakranie heta (pakul što) tolki fiksavanuju suviaź (dla fizičnych i jurydyčnych asob) i kabielnaje telebačańnie (dla jurydyčnych asob).
Tak, pavialičycca pamier abanienckaj płaty dla šerahu dziejnych i archiŭnych taryfnych płanaŭ, a taksama niekatorych pasłuh fiksavanaj suviazi. U siarednim ceny vyraśli prykładna na 3-6 rubloŭ.
Poŭny śpis abnoŭlenych cenaŭ dastupny pa spasyłcy.
MTS
MTS paviedamiŭ, što z 1 krasavika źmienicca pryncyp pracy pasłuhi «adkryty Internet». Śćviardžajecca, što budzie pavialičany abjom internet-trafiku bolšaści intervałaŭ u ramkach «adkrytaha Internetu» dla taryfnych płanaŭ masavaha rynku.
Ciapier na hetaj pasłuzie jość 9 taryfnych intervałaŭ: Ad 0 da 100 Mb, ad 100 Mb da 500 Mb i hetak dalej. Ciapier ža, z 1 krasavika, intervałaŭ stanie ŭsiaho 6: ad 0 da 200 Mb, ad 200 Mb da 2 Hb i hetak dalej. Pry hetym źmienicca ich košt, i z hetaha času niekatoryja karystalniki buduć płacić bolš.
Naprykład, kali da hetaha času vam chapała 500 Mb, to vy ŭkładalisia ŭ druhi intervał i płacili za heta 3,86 rubla. A z 1 krasavika heta budzie taksama druhi intervał, ale ŭžo z abanienckaj płataj 9,09 rubla.
U kampanii rastłumačyli, što novyja intervały nie buduć raspaŭsiudžvacca na taryfnyja płany «Internet», «Bieźlimicišča», «Bieźlimicišča 2.0», «Bieźlimicišča+».
Poŭny śpis abnoŭlenych cenaŭ možna pahladzieć pa spasyłcy.
Life:)
Mabilny apieratar Life:) paviedamiŭ, što ŭžo z 27 sakavika dadaŭ hihabajty ŭ taryfy i pry hetym taksama źmianiŭ ceny.
Źmieny zakranuli adrazu paŭtara dziasiatka taryfnych płanaŭ — jak hałasavych, tak i internet-pakietaŭ.
Poŭny śpis abnoŭlenych cenaŭ — pa spasyłcy.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ22
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary